Carole Lombard
|
C'l artìcul chè 'l è scrit in
Miranduléś |
LʼAlice Jane Peters, cgnusùda méj cuma Carole Lombard (Fort Wayne, 6 'd Utóbar dal 1908 - Potosi Mountain, 16 ad Śnar dal 1942, a s lèś [ˈkærəl ˈlɑmbərd] in ingléś), l'è stada n'atōra americàna, candidàda a i Prèmi Òscar dal 1937 par la cumèdia L'impareggiabile Godfrey giràda in còpia cun William Powell.
Durànt i an Trénta l'è stada la regìna dal gènar screwball comedy, in dua in dla recitasiòṅ dal cumèdi, da spés rumàntichi, la druàva un muć ad ghigni cuma a s fava a i tèmp dal cìnema mut che lē l'à fat a la granda in di an Vint, avénd tacâ la sò caréra da atōra a tréd'ś an. La Lombard l'éra bòna ad misćiàr insém elegànsa, belésa e talènt còmig, anc qvél più a la burla da pajàsa.
'L American Film Institute al l'à misa 'l 23śum pòst dal star più grandi dla stòria dal cìnema. La gh'à anc na stéla in dla Hollywood Walk of Fame.
Fra i sò film più impurtànt a 'rcurdém al cumèdi I milioni della manicure (1935), a fiànc ad Fred MacMurray, Nulla sul serio (1937), insém a Fredric March, Il signore e la signora Smith 'd Alfred Hitchcock (1941), in còpia cun Robert Montgomery, e 'l sò ùltim lavōr Vogliamo vivere! (1942) cun la regìa 'd Ernst Lubitsch. In dal 1940 a 'l ém vista da prutagunìsta anc in un film dramàtic cun Peter Cushing, Angeli della notte.
L'è mòrta śōvna a trénta-tri an par 'n incidènt in aparéć. L'è saplìda a 'l Forest Lawn Memorial Park ad Glendale insém a sò màd'r e a Clark Gable, 'l amōr dla sò vita.
Filmugrafìa
[mudéfica la surzéia]Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Carole Lombard
Wikimedia Commons contiene file multimediali su Carole Lombard
