Caravaggio (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Caravaggio
Caravaggio (film).png
Spencer Leigh in na figùra dal film
Caravaǵ
1986
Regìa: Derek Jarman
Scritōr: Derek Jarman • Nicholas Ward Jackson
Atōr: Nigel TerrySean BeanDexter Fletcher
Garry CooperSpencer LeighTilda Swinton
Nigel DavenportSadie CorreMichael Gough
Müsica: Simon Fisher-Turner
Léngua: IngléśItagliàṅ
Dürä dal film: 93 minüt
Nasiōṅ: Régn Unî


«
Il ritràt brilànt ad Derek Jarman dal pitōr più grand d'l Arnasarmènt.»
(Tagline dal film)


Caravaggio (Caravaǵ) 'l è 'n film dramàtic e biugràfic britànic dal 1986 ad Derek Jarman, vinsidōr d'l Ōrs 'd Argìnt a 'l 36śum Fèstival 'd Berlîṅ.

La pelìcula, giràda c'n un budget ad quatarsènt-sinquantamìla sterlìni, l'è 'l debùt par la Tilda Swinton e la fà part dla lista di „Mila-e-òṅ film ch'at gh'à da védar prima 'd murìr“ ad Steven Schneider.

Sunt

Michelangelo Merisi dit al Caravaǵ (Nigel Terry), badâ p'r al sò séruv mut Jerusalem (Spencer Leigh) che lò 'l à cumprâ da la sò famìja quànd 'l éra incóra pìcul, 'l è ardùt mâł su 'l sò lèt malâ 'd malària. Al pitōr al s arcòrda i fat dla sò vita.

Dòp èsar rivâ a Róma da śōvan par vénd'r i sò quàdar par strada, Caravaǵ al finìs sóta la prutesiòṅ dal cardinàł Francesco Maria Del Monte (Michael Gough) ch'al gh dà 'l sò prim incàr'g impurtànt, qvél ad far un dipìnt dal Martìri 'd San Matèo. Par la part dal catìṿ da tiràr śò al tōś al mudèl Ranuccio (Sean Bean) ch'in dla vita al stà insém a na putàna ciamàda Lena (Tilda Swinton). La dóna la taca na relasiòṅ a tri.

In séguit Caravaǵ al cgnós Vincenzo Giustiniani (Nigel Davenport) ch'l al fà lauràr anc p'r al papa (Jack Birkett). Durànt na fèsta in Vaticân, la Lena l'incànta 'l cardinàł Scipione Borghese (Robbie Coltrane), anvōd dal pàdar sant, e la s mét sèg mulànd chi àtar dū. Soquànt dè dòp al sò cadàv'r al vîṅ catâ in di aqui dal fiùm Tévar.

Culegamènt estéran