Campàna
(Reindirizzamento da Canpàna)
|
C'l artìcul chè 'l è scrit in
Miranduléś |
La campàna 'l è 'n strumènt muśicàł a percusiòṅ dirèta ad metàl, in gèn'r ad brónś, ch'al gh'à la fórma dna tasa arbaltàda.
La sòna quànd la strutùra l'è culpìda in dla sò part basa par 'n àt'r ugèt ch'al pōl ès'r un baciòc a 'l itéran, ch'al culpìs da 'l dū bandi a tùran, o un martlèṅ a 'l estéran. Quànd a gh'è la śmartlàda a partìs na vibrasiòṅ ch'l'è più fòrta luntàṅ da 'l sèntar mént'r in dal gòng a sucéd 'l eśàt cuntràri.
Al campàni i èṅ druàdi dimóndi par sunàr in di campanìi dal céśi. Na vòlta a gh'éra na parsòna ch'al li fava sunàr, ciamâ campanàr, ma adès a gh'è di mecanìśum mecànig ch'i faṅ tut da par lōr.