Candice Bergen

C'l artìcul chè 'l è scrit in Miranduléś

La Candice Patricia Bergen (Los Angeles, 9 ad Maǵ dal 1946, a s lèś [ˈkændɪs ˈbɜːrɡən] in ingléś), l'è n'atōra americàna cun di urìgini śvedéśi e tedéschi. L'è stada candidàda a i Prèmi Òscar in dal 1980 par la part dla mujēr separàda 'd Burt Reynolds in dla cumèdia E ora, punto e a capo 'd Alan J. Pakula.

In dla sò caréra da atōra, tacàda in dal 1966 c'n al drama Il gruppo 'd Sidney Lumet, l'è stada bòna 'd vìnsar 'n Emmy Award e dū Golden Globe par la sitcom Murphy Brown, su dódas candidadùri in tut. La gh'à anc na stéla in dla Hollywood Walk of Fame.

L'à catâ 'l sucès internasiunàł in dal 1970 girànd al western Soldato blu, in di pagn dna dóna biànca cgnusùda cuma “Cresta” purtàda via da gl'indiàṅ Cheyenne e armàśa a vìvar sèg par dū an, méntar 'l an dòp l'è stada prutagunìsta dal drama Conoscenza carnale a fiànc ad Jack Nicholson e 'd Art Garfunkel e 'd Appuntamento con una ragazza che si sente sola insém a Peter Boyle e a James Caan.

Àtar sò film impurtànt girâ in di an Stanta i èṅ stâ 'l aventuróś Il vento e il leone, cun Sean Connery in di pagn dal sharīf maruchèṅ Mulay Ahmad al-Raysuni, al western Stringi i denti e vai!, al thriller Il principio del domino: la vita in gioco, in còpia cun Gene Hackman, e 'l dramàtic Oliver's Story cun Ryan O'Neal, séguit ad Love Story dal 1970.

In di an Utànta a l'arcurdém par Ricche e famose, a fiànc dla Jacqueline Bisset in qvéla ch'la sarà l'ùltima pelìcula 'd George Cukor, e p'r al biugràfic Gandhi, cun prutagunìsta Ben Kingsley. Dòp soquànt lavōr a Broadway e in film par la televiśiòṅ, l'è turnàda a recitàr a Hollywood in di an Dumìla catànd spasi in pelìculi cuma 'l cumèdi Tutta colpa dell'amore, insém a la Reese Witherspoon, Matrimonio impossibile, cun Michael Douglas, e Sex and the City faghénd la part dla diretōra dla rivìsta Vogue.

Fra i sò ùltim lavōr a psém nutàr i telefìlm Will & Grace, Law & Order - I due volti della giustizia, Boston Legal (par nuant'òṅ epiśòdi, a fiànc ad James Spader), Law & Order - Il verdetto e Dr. House - Medical Division e i film 40 sono i nuovi 20, in dla part dla màdar dla Reese Witherspoon, e Lasciali parlare in còpia cun la Meryl Streep.

Da 'l 1980 la Bergen l'è stada spuśàda c'n al regìsta francéś Louis Malle pò mòrt in dal 1995.

Filmugrafìa

1966 - Il gruppo (The Group), regìa ad Sidney Lumet
1966 - Quelli della San Pablo (The Sand Pebbles), regìa ad Robert Wise
1967 - Il giorno in cui i pesci uscirono dal mare (Όταν τα ψάρια βγήκαν στη στεριά), regìa ad Mihalis Kakogiannis
1967 - Vivere per vivere (Vivre pour vivre), regìa ad Claude Lelouch
1968 - Gioco perverso (The Magus), regìa ad Guy Green
1970 - L'ultimo avventuriero (The Adventurers), regìa ad Lewis Gilbert
1970 - L'impossibilità di essere normale (Getting Straight), regìa ad Richard Rush
1970 - Soldato blu (Soldier blue), regìa ad Ralph Nelson
1971 - Conoscenza carnale (Carnal Knowledge), regìa ad Mike Nichols
1971 - Il giorno dei lunghi fucili (The Hunting Party), regìa ad Don Medford
1971 - Appuntamento con una ragazza che si sente sola (T.R. Baskin), regìa 'd Herbert Ross
1975 - Il vento e il leone (The Wind and the Lion), regìa ad John Milius
1975 - Stringi i denti e vai! (Bite the Bullet), regìa ad Richard Brooks
1977 - Il principio del domino: la vita in gioco (The Domino Principle), regìa ad Stanley Kramer
1978 - La fine del mondo nel nostro solito letto in una notte piena di pioggia, regìa dla Lina Wertmüller
1978 - Oliver's Story, regìa ad John Korty
1979 - E ora, punto e a capo (Starting over), regìa 'd Alan J. Pakula
1981 - Ricche e famose (Rich and Famous), regìa ad George Cukor
1982 - Gandhi, regìa ad Richard Attenborough
1985 - Scherzare col fuoco (Stick), regìa ad Burt Reynolds
1985 - La spada di Merlino (Arthur the King), regìa ad Clive Donner – Film TV
1985 - Murder: By Reason of Insanity, regìa 'd Anthony Page – Film TV
1987 - Casa d'appuntamento di Mayflower Madam (Mayflower Madam), regìa ad Lou Antonio – Film TV
1996 - Mai amore più grande (Mary & Tim), regìa ad Glenn Jordan – Film TV
2000 - Miss Detective (Miss Congeniality), regìa ad Donald Petrie
2002 - Tutta colpa dell'amore (Sweet Home Alabama), regìa 'd Andy Tennant
2003 - Footsteps - I passi dell'assassino (Footsteps), regìa ad John Badham – Film TV
2003 - Una hostess tra le nuvole (View from the Top), regìa ad Bruno Barreto
2003 - Matrimonio impossibile (The In-Laws), regìa 'd Andrew Fleming
2008 - The Women, regìa dla Diane English
2008 - Sex and the City, regìa ad Michael Patrick King
2009 - Bride Wars - La mia migliore nemica (Bride Wars), regìa ad Gary Winick
2014 - Natale con i tuoi (A Merry Friggin' Christmas), regìa ad Tristram Shapeero
2015 - Il caso Novack (Beautiful & Twisted), regìa ad Christopher Zalla – Film TV
2016 - L'eccezione alla regola (Rules Don't Apply), regìa ad Warren Beatty
2017 - The Meyerowitz Stories, regìa ad Noah Baumbach
2017 - 40 sono i nuovi 20 (Home Again), regìa dl'Hallie Meyers-Shyer
2018 - Book Club - Tutto può succedere (Book Club), regìa ad Bill Holderman
2020 - Lasciali parlare (Let Them All Talk), regìa ad Steven Soderbergh
2022 - Una seconda occasione, (As They Made Us), regìa dla Mayim Bialik
2023 - Book Club - Il capitolo successivo (Book Club: The Next Chapter), regìa ad Bill Holderman

Culegamènt estéran

Àtar prugèt

Wikimedia Commons contiene file multimediali su Candice Bergen