Camèl

C'l artìcul chè 'l è scrit in Miranduléś

Camèl
soquànt camèi in Mungòglia
Dominì: Eukaryota
Rèign: Animalia
Phylum: Chordata
Clâsa: Mammalia
Órdin: Artiodactyla
Famija: Camelidae
Sòtfamija: /
Gènàr: Camelus (Linnaeus, 1758)
Sòrta: Camelus bactrianus

Al camèl (nóm sientìfic Camelus bactrianus, cammello in itagliàṅ, camēlus in latìn) 'l è 'n mamìfar dla famìja di Camelidi ch'al gh'à dū sóta-spéci: C. bactrianus bactrianus e C. bactrianus ferus.

Al viṿ in di deśèrt e in dal stépi dl'Àśia, tacànd da la Turchìa e rivànd in Mungòglia. Al sumìlia dimóndi a 'l drumedàri ch'al viṿ in Àfrica.

Descrisiòn

Al camèl al pōl rivàr a i tri o quàtar mét'r ad lunghésa e a i dū o tri métar 'd altésa. Al sò pēś da grand al và da i quatarsènt a i sincsènt chilo.

Su la schina la gh'à dū gòbi impinìdi 'd gras ch'al dróa quànd al n cata minga da magnàr. In chi mumènt lè al gòbi i ténd'n a dasfiàr-as, pigànd-as da na banda.

Dū camèi in dal zoo ad Lubiàna

Al sò naś 'l è schis mént'r i sò òć i èṅ prutèt par dal sî dimóndi lunghi. Lung al còrp al gh'à 'n mantèl 'd lana maròṅ. Al gh'à na fòrsa e na reśisténsa pruverbiàla, a 'l cald e a 'l fréd (da i -20 °C a i 50 e pasa °C), tant ch'l è druâ da spés par purtàr in gir la gint e anc dal pēś esénd ch'l è bòṅ ad cargàr-'s insìma quatarsènt e pasa chilo. Al pōl giràr anc par vint-quàt'r óri 'd fila a quàtar km/h, faghénd di parcōrs ad sinquànta km a 'l dè.

L'è druâ anc par la sò carna ch'la gint dal pòst la magna vluntéra a part gl'ebrèj ch'i pénsan ch'al sia na bèstia minga pura.

In natùra al viṿ da i vint a i quàrant'an, in grup ad vint eśemplàr cmandâ da 'n masć. Al pōl scampàr in fiṅ a dū méś sénsa bévar.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Camèl
Wikimedia Commons contiene file multimediali su Camèl