Càmula

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Càmula prima dal càmbi dla pèl (maròṅ) e dòp (biànc)


La càmula, nóm sientìfic “Tenebrio molitor” (tarma della farina o tenebrione mugnaio in itagliàṅ) 'l è 'n insèt d'l órdan di culeótar dla famìja di tenebriónid. La sò larva la sumìlia dimóndi a qvéla dal bègatèṅ ch'l è 'l bēg dna mósca, la Sarcophaga carnaria.

In Śvisra i èn prònt a vénd'r-i a 'l supermarcâ par far-an dal śvisri o dal pulpéti p'r i cristiàṅ[1], na manéra nóva 'd magnàr ciamàda entumufagìa.

Descrisiòṅ

'L insèt adûlt
Sfilaràda 'd càmuli in na scatla 'd óṿ

'L insèt adûlt, in gèn'r ad culōr nég'r o maròṅ scûr, 'l è lung da 12 a 20 mm e larg da 4,5 a 6 mm. A gh piàś vìv'r in du a gh'è 'l óm parchè lè al cata facilmènt dal magnàr ch'a gh piàś cuma la farìna, al riś, al paṅ, la pasta e i biscòt. S'al gh caga insìma, al savōr dal magnàr par 'l óm al dvènta catìṿ. In natùra invéci al s adàta a magnàr légn, plumi, mèrda 'd uśèi ('l è fàcil catàr-'l in di sò gnai), tabàc o insèt mòrt.

La fémna la pōl far da trénta a quarànta óṿ a 'l dè (anc siesènt in dal cōrs dla sò vita) che pò i s vèr'n in dal gir ad déś/quatórdas dè. La larva la magna incòsa, specialmènt la farìna e i sereài in gènar, e dòp siē/sèt méś la dvènta na pupa par pò vgnir fóra da adûlt, fra Maǵ e Setémbar, miténd-ag da una a tri stmani.

'L insèt adûlt al pōl scampàr par tri méś ma al n è minga bòṅ ad giràr in présia par tèra anc s'al pōl vulàr via.

I pescadōr i dróan i sò bēg par pascàr ma a gh'è da star aténti parchè cla bestiulìna chè, acsè cum i sórag, la pōl pasàr a 'l óm un brut bēg parasìta, 'l Hymenolepis nana.

Culegamènt estéran

Nòti