Buffalo '66

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Buffalo '66
Buffalo '66
Buffalo '66.png
Gallo, la Huston e la Ricci in na figùra dal film
id.
1998
Regia: Vincent Gallo
Scritùr: Vincent Gallo • Alison Bagnall
Atùr: Vincent GalloJan-Michael Vincent
Christina RicciMickey RourkeAnjelica Huston
Ben GazzaraRosanna ArquetteKevin Pollak
Müsica: Vincent Gallo • Yes • King Crimson
Lengua: Ingléś
Dürä dal film: 110 minüt
Nasiòṅ: Stat Unî


«
Billy 'l è péna vgnû fóra da parśòṅ, adès a gh'è la vita véra ch'la 'l aspèta...»
(Tagline dal film)


Buffalo '66 (id.) 'l è film dramàtic americàṅ dal 1998 scrit, dirèt, recitâ e muśicâ par Vincent Gallo.

'L à purtâ a cà dū migliòṅ e quàt'r ad dòlar dòp ès'r-an custâ òṅ e mèś.

Sunt

Billy Brown (Vincent Gallo) 'l è 'n ragàs nevròtic ad Buffalo ch'l è péna vgnû fóra da parśòṅ dòp sinc an p'r un crìmin ch'al n iva minga fat ma ch'l è stâ custrét a cunfesàr parchè al n éra minga bòṅ ad pagàr un dèbit ad śōg fat c'n un laśaròṅ (Mickey Rourke), na scumésa andàda mâł. Méntar 'l éra dènt'r al n à mai dit gnint a i suo, al s fava jutàr p'r al sò amìg Goon (Kevin Corrigan) a mandar dal létri in dua a parìva che lò al fus in dal fèsti a divertìr-as, ch'al fus spuśâ cun na dóna ad nóm Wendy Balsam e ch'al gh'is anc un bèl lavōr p'r al guèr'n americàṅ.

Adès Billy al pésca sōl la vindéta cóntar 'l èx śugadōr ch'al 'l à ruinâ, Scott Woods (Bob Wahl). Prima però al custrìnś na ragàsa, la Layla (Christina Ricci), a far finta 'd èsar sò mujér parchè al vōl andàr a catàr a i sò genitōr, la Jan (Anjelica Huston) e Jimmy (Ben Gazzara).

Culegamènt estéran