Bruce Campbell

C'l artìcul chè 'l è scrit in Miranduléś

Bruce Lorne Campbell (Royal Oak, 22 ad Śugn dal 1958, a s lèś [bɹˈuːs kˈæmbəl] in ingléś) 'l è 'n atōr, ardupiadōr, prudutōr, scritōr e regìsta americàṅ.

'L è famóś p'r avēr fat al persunàǵ 'd Ash Williams in di tri film dla saga 'd „La cà“ ad Sam Raimi: La casa (1981), La casa 2 (1987) e L'armata delle tenebre (1992), faghénd pò 'n camèo in dal 2013 in d'l arfacimènt dal prim film, La casa (2013). 'L à anc fat la part dal pulisiòt Jack Forrest in di film ad scarésa Poliziotto sadico (1988) e Maniac Cop - Il poliziotto maniaco (1990) par la regìa ad William Lustig.

Fra i sò film più impurtànt a psém arcurdàr Darkman (1990), cun prutagunìsta Liam Neeson, la cumèdia Mister Hula Hoop (1994), a fiànc ad Tim Robbins, dla Jennifer Jason Leigh e 'd Paul Newman, al film 'd asiòṅ Fuga da Los Angeles (1996), cun Kurt Russell in di pagn ad Jena Plissken, e 'l drama sentimentàł The Majestic (2001), insém a Jim Carrey e a Martin Landau. 'L à fat di rōi cic e difarènt anc in di film ad Sam Raimi su 'l Óm Ragn: Spider-Man (2002), Spider-Man 2 (2004) e Spider-Man 3 (2007).

In televiśiòṅ 'l à recitâ in soquànti série televiśìvi cuma California, Le avventure di Brisco County Jr., Lois & Clark - Le nuove avventure di Superman, American Gothic, Hercules (in dla part 'd Autolico), Homicide, Xena - Principessa guerriera, Ellen (par sèt epiśòdi a fiànc dl'Ellen DeGeneres in di pagn 'd Ed Billik), X-Files, Streghe, Burn Notice - Duro a morire (par sènt-ùndas puntàdi c'n al rōl ad Sam Axe), Psych, Fargo, Ash vs Evil Dead e dimóndi atri.

Cuma scritōr 'l à fat vgnir fóra If Chins Could Kill: Confessions of a B Movie Actor (2001), Make Love! The Bruce Campbell Way (2005) e Hail to The Chin: Further Confessions of a B Movie Actor (2017).

Dòp èsar stâ spuśâ in di an Utànta cun la Cristina Deveau, ch'la gh'à dâ dū fiōi, da 'l 1991 'l è 'l marè dlʼIda Gearon.

Filmugrafìa

1977 - It's Murder!, regìa ad Sam Raimi
1981 - La casa (The Evil Dead), regìa ad Sam Raimi
1984 - Blood Simple - Sangue facile (Blood Simple), regìa ad Joel Coen
1984 - Going Back, regìa ad Ron Teachworth
1985 - I due criminali più pazzi del mondo (Crimewave), regìa ad Sam Raimi
1987 - La casa 2 (Evil Dead II), regìa ad Sam Raimi
1988 - Poliziotto sadico (Maniac Cop), regìa ad William Lustig
1989 - Terrore senza volto (Intruder), regìa ad Scott Spiegel
1989 - Moontrap - Destinazione Terra (Moontrap), regìa ad Robert Dyke
1989 - Tramonto (Sundown: The Vampire in Retreat), regìa 'd Anthony Hickox
1990 - Maniac Cop - Il poliziotto maniaco (Maniac Cop 2), regìa ad William Lustig
1990 - Darkman, regìa ad Sam Raimi
1990 - Mindwarp - Futuro virtuale (Mindwarp), regìa ad Steve Barnett
1991 - Svitati (Lunatics: A Love Story), regìa ad Josh Becker
1992 - Eddie Presley, regìa ad Jeff Burr
1992 - Waxwork 2 - Bentornati al museo delle cere (Waxwork II: Lost in Time), regìa 'd Anthony Hickox
1992 - L'armata delle tenebre (Army of Darkness), regìa ad Sam Raimi
1994 - Mister Hula Hoop (The Hudsucker Proxy), regìa ad Joel Coen
1995 - Pronti a morire (The Quick and the Dead), regìa ad Sam Raimi – Séni tajàdi
1995 - The Demolitionist, regìa ad Robert Kurtzman
1995 - Congo, regìa ad Frank Marshall
1996 - Tornado!, regìa ad Noel Nosseck – Film TV
1996 - Fuga da Los Angeles (Escape from L.A.), regìa ad John Carpenter
1996 - Sfida nello spazio (Assault on Dome 4), regìa ad Gilbert Po – Film TV
1997 - Menno's Mind, regìa ad Jon Kroll
1997 - Running Time, regìa ad Josh Becker
1997 - La mia flotta privata (McHale's Navy), regìa ad Bryan Spicer
1997 - Vite bruciate (In the Line of Duty: Blaze of Glory), regìa ad Dick Lowry – Film TV
1997 - Il ritorno del Maggiolino tutto matto (The Love Bug), regìa ad Peyton Reed – Film TV
1998 - Corsa all'oro (Goldrush: A Real Life Alaskan Adventure), regìa ad John Power – Film TV
1998 - La Patinoire (La Pista di Pattinaggio) (La Patinoire), regìa ad Jean-Philippe Toussaint
1999 - Dal tramonto all'alba 2 - Texas, sangue e denaro (From Dusk till Dawn 2: Texas Blood Money), regìa ad Scott Spiegel
1999 - Minaccia nucleare (Icebreaker), regìa ad David Giancola
2000 - Timequest, regìa ad Robert Dyke
2001 - The Majestic, regìa ad Frank Darabont
2002 - Terminal Invasion, regìa ad Sean S. Cunningham – Film TV
2002 - Spider-Man, regìa ad Sam Raimi
2002 - Tutta colpa di Sara (Serving Sara), regìa ad Reginald Hudlin
2002 - Bubba Ho-Tep - Il re è qui (Bubba Ho-Tep), regìa ad Don Coscarelli
2003 - Comic Book: The Movie, regìa ad Mark Hamill
2003 - Prima ti sposo poi ti rovino (Intolerable Cruelty), regìa ad Joel Coen
2004 - Ladykillers (The Ladykillers), regìa ad Joel e Ethan Coen
2004 - Spider-Man 2, regìa ad Sam Raimi
2005 - Man with the Screaming Brain, regìa ad Bruce Campbell
2005 - Sky High - Scuola di superpoteri (Sky High), regìa ad Mike Mitchell
2005 - Alien Apocalypse, regìa ad Josh Becker – Film TV
2006 - In cima al mondo (Touch the Top of the World), regìa ad Peter Winther – Film TV
2006 - Il mistero del bosco (The Woods), regìa ad Lucky McKee
2007 - Spider-Man 3, regìa ad Sam Raimi
2007 - My Name Is Bruce, regìa ad Bruce Campbell
2011 - Burn Notice - La caduta di Sam Axe (Burn Notice: The Fall of Sam Axe), regìa ad Jeffrey Donovan – Film TV
2012 - The Color of Time, regìa ad regìsta difarènt
2013 - Il grande e potente Oz (Oz: The Great and Powerful), regìa ad Sam Raimi
2013 - La Casa (Evil Dead), regìa ad Fede Álvarez
2014 - Doc of the Dead, regìa 'd Alexandre O. Philippe – Ducumentàri
2015 - The Escort, regìa ad Will Slocombe
2017 - Highly Functional, regìa ad Mark Forby
2017 - To Hell and Back: The Kane Hodder story, regìa ad Derek Dennis Herbert – Ducumentàri
2020 - Hail to the Deadites, regìa ad Steve Villeneuve – Ducumentàri
2021 - Black Friday, regìa ad Casey Tebo
2021 - One December Night, regìa dla Clare Niederpruem – Film TV
2021 - Adopted, regìa ad Daril Fannin, ad Jimmy Kimmel e 'd Shawn Vance – Film TV
2022 - Doctor Strange nel Multiverso della Follia (Doctor Strange in the Multiverse of Madness), regìa ad Sam Raimi
2022 - Un Natale per ritrovarsi (My Southern Family Christmas), regìa dl'Emily Moss Wilson – Film TV
2023 - La casa - Il risveglio del male (Evil Dead Rise), regìa ad Lee Cronin - Vōś
2026 - Ernie and Emma, regìa ad Bruce Campbell

Culegamènt estéran

Àtar prugèt

Wikimedia Commons contiene file multimediali su Bruce Campbell