Brooklyn
|
C'l artìcul chè 'l è scrit in
Miranduléś |
Brooklyn (a s lèś [ˈbrʊklɨn] in Ingléś) 'l è òṅ di sinc distrét (borough) dla sità ad New York cun na pupulasiòṅ ad dū migliòṅ e siē 'd abitànt a 'l incìrca (2020) par na superfìsi ad 250 km².
Al s cata in dla banda a òvest ad Long Island, cunfinànd c'n al distrét dal Queens. Al s culéga cun l'ìśula 'd Manhattan par via ad soquànt tùnel e dna série 'd pònt su 'l East River méntar par rivàr a Staten Island a gh'è da pasàr al pònt ad Verrazzano.
Al sò teritòri al cuincìd cun qvél dla Cuntèa ad Kings ch'l'è dimóndi da la banda di demucràtic. In di elesiòṅ p'r al presidènt di Stat Unî i republicàṅ i n vìnsan chè da 'l 1924 méntar da 'l 1992 in avànti i demucràtic i aṅ sèmpar pasâ 'l 70% di vōt (cun 'l 82,02% in dal 2012 ad Barack Obama cóntar Mitt Romney).