Broadway
|
C'l artìcul chè 'l è scrit in
Miranduléś |
Broadway (a s lèś [ˈbrɔːdweɪ] in d'l Ingléś) 'l è 'n stradòṅ dal stat ad New York.
Par 23 km, la sò mità a 'l incìrca, al pasa a 'l intéran dla sità 'd New York.
La taca a 'l inìsi dal vilàǵ ad Sleepy Hollow a Mount Pleasant (cuntèa ad Westchester) cuma diramasiòṅ dla strada statàl n. 9. La pasa 'd travèrs, da nòrd-èst a sud-òvest, p'r i quartēr ad Greenburgh Irvington, Dobbs Ferry e Hastings-on-Hudson.
Più avànti la và in lung par Tarrytown e Yonkers, giùst p'r insfilsàr-as finalmènt in dla sità dal “póm grand”, tucànd al Bronx par 2 km a 'l incìrca e pò Manhattan lung al fiùm Hudson. Da 'd chè, parténd da Times Square, la finìs darènt a la stasiòṅ dla metrupulitàna 'd Bowling Green.
In di dintóran ad cla piàsa lè, in dal Midtown, i s càtan dimóndi cìnema e teàtar, tant che Broadway 'l è dvintâ 'n sinònim dal teàtar ufisiàł americàṅ méntar cun Off-Broadway a s inténd dal prudusiòṅ indipendénti fati cun quàtar sòld o anc più lòfi.