Brian Donlevy
|
C'l artìcul chè 'l è scrit in
Miranduléś |
Waldo Brian Donlevy (Cleveland, 9 ad Favràr dal 1901 - Los Angeles, 6 'd Avrìl dal 1972) 'l è stâ 'n atōr americàna cun di urìgini irlandéśi.
'L à tacâ la sò caréra a gl'inìsi di an Vint a i tèmp dal cìnema mut laurànd insém a Rodolfo Valentino in Monsieur Beaucaire dal 1924 e pò catànd al sucès cun La costa dei barbari 'd Howard Hawks (1935).
In dal 1940 'l è stâ candidâ a 'l Prèmi Òscar cuma atōr minga prutagunìsta par la part dal sàdig Markoff in Beau Geste, pelìcula 'd William A. Wellman cun Gary Cooper e Ray Milland.
In chi an lè 'l à girâ anc soquànti cumèdi, in dua 'l à fat da spés la part dal balòs cuma in Il grande McGinty, e thriller e noir cuma Anche i boia muoiono ad Fritz Lang e Il bacio della morte.
Vèrs la fiṅ di an Quarànta la sò furtùna a Hollywood l'è andàda piutòst śò ma in di an Sinquànta 'l à girâ soquànt film ad sucès faghénd la part dal siensiâ Bernard Quatermass in L'astronave atomica del dottor Quatermass e in dal sucesìṿ I vampiri dello spazio. D'arcurdàr anc al sò Henri Delambre in dla pelìcula 'd scarésa britànica La maledizione della mosca (1965).
In televiśiòṅ 'l à girâ soquànt telefìlm cuma Gli uomini della prateria (1959), Perry Mason (1966) e Tre nipoti e un maggiordomo (1967).
Al gh'à na stéla in dla Hollywood Walk of Fame.
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Brian Donlevy
