Boys Don't Cry (film)
|
C'l artìcul chè 'l è scrit in
Miranduléś |
 Boys Don't Cry
| ||
.png) La Swank e la Sevigny in na figùra dal film | ||
| I ragàs i n piànśan minga 1999 | ||
|---|---|---|
| Regìa: Kimberly Peirce | ||
| Scritōr: Kimberly Peirce • Andy Bienen | ||
| Atōr: Hilary Swank • Brendan Sexton III Chloë Sevigny • Peter Sarsgaard • Alison Folland Alicia Goranson • Rob Campbell • Matt McGrath | ||
| Müsica: Nathan Larson | ||
| Léngua: Ingléś | ||
| Dürä dal film: 118 minüt | ||
| Nasiōṅ: Stat Unî | ||
Boys Don't Cry (I ragàs i n piànśan minga) 'l è 'n film dramàtic e biugràfic americàṅ dal 1999 dla Kimberly Peirce, vinsidōr dal Prèmi Òscar par l'atōra prutagunìsta Hilary Swank in dla part dal transgender masć Brandon Teena méntar la sò muróśa in dla stòria, la Chloë Sevigny, l'è invéci stada candidàda in dla categurìa “atōra minga prutagunìsta”.
Custâ dū migliòṅ ad dòlar, al film al 'n à pò muciâ sù da piò ad vint.
Sunt
A la fiṅ dal 1993, Brandon Teena (Hilary Swank) al và a star a Falls City, un paiśèṅ ruràł dal Nebràska, tgnénd nascòst a tut 'd ès'r un transgender esénd ch'al s vistìs e al s cumpòrta da masć. Dòp avēr catâ lavōr lè, al s fà amìg cun la Candace Lambert (Alicia Goranson), na ragàsa màdar, e cun dū śōvan dal pòst cun di trascōrs penài, John Lotter (Peter Sarsgaard) e Tom Nissen (Brendan Sexton III).
In séguit Brandon al taca na relasiòṅ cun l'èx muróśa 'd Lotter, la Lana Tisdale (Chloë Sevigny). Dòp èsar stâ fermâ da la pulisìa parchè al guidàva fòrt, a s vîṅ a savēr ch'l'è na dóna ma anc ch'la gh'à di prubléma cun la giustìsia in atri cuntèi. Finî in parśòṅ, al vîṅ lasâ lìbar su causiòṅ e 'l è custrét a vudàr al sac cun la Lana.
John e Tom, lśénd na nutìsia su i giurnài, i gh'aṅ na sensasiòṅ ad schiva par na situasiòṅ ad perversiòṅ a i sò òć. I decìd'n acsè ad far-'g-la pagàr a Brandon.