Bolero Extasy
|
C'l artìcul chè 'l è scrit in
Miranduléś |
 Bolero
| ||
| Bolero Extasy | ||
 La Bo Derek in na figùra dal film | ||
| id. 1984 | ||
|---|---|---|
| Regìa: John Derek | ||
| Scritōr: John Derek | ||
| Atōr: Bo Derek • Ana Obregón • Andrea Occhipinti George Kennedy • Olivia d'Abo • Greg Bensen | ||
| Müsica: Peter Bernstein • Elmer Bernstein | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî | ||
Bolero Extasy (id.) 'l è 'n film eròtic americaṅ dal 1984 scrit e dirèt par John Derek cun prutagunìsta sò mujēr, la Bo.
La pelìcula, giràda c'n un budget ad sèt migliòṅ ad dòlar, l'à vins siē Razzie Awards, i prèmi p'r i film più lòfi, in dal categurìi: film, senegiadùra, regìa, culòna sunóra, atōra prutagunìsta e eśurdiènta (Olivia d'Abo).
Sunt
L’Ayre MacGillvary (Bo Derek), dita “Mac”, l'è na ragàsa americàna ad vint-a-tri an ch'in di an Vint la frequénta 'n culéǵ britànig. Adès che finalmènt l'à ciapâ 'l diplòma, la cunfìda a la sò amìga Catalina (Ana Obregón) ch'la gh'à na vója mata 'd pruàr 'l “extasy”, al gudiōl màsim che na dóna la pōl sintìr su la sò pèl, qvél 'd èsar gusàda par la prima vòlta. La śōvna l'è incóra vìrgin mo adès ch'l'à finî la scōla, p'r al règhli dla sò famìja, la pōl ciapàr l'eredità p'r avēr fat a mōd pinsànd prima a studiàr e minga a 'l purcàdi.
Insém a la Catalina e a 'l sò majurdóm Cotton (George Kennedy) la partìs acsè p'r al Maròc parchè la vōl dar-'s a 'n sieìc véra, in na nòt in dal deśèrt d'arcurdàr-as par sèmpar. Quànd la in cata òṅ (Greg Bensen), chi lò prima al gh stramna dla mēl su 'l sò còrp p'r alcàr-la tuta ma pò, quànd l'è óra 'd ciulàr dabòṅ, 'l àrab al s indurménsa in dal più bèl. La Mac la próa a 'rfàr-as miténd-as c'n un turēr spagnōl, un squasamarléti ciamâ Angel (Andrea Occhipinti). Subìt dòp la prima nòt però un tôr al gh dà n'incurnàda in mèś a 'l gambi ch'adès al n è più bòṅ ad druàr-al.
La Mac la decìd 'd armàgnar sèg listés, cunfidànd ch'al s pòsa armét'r-as prèst, anc se la Catalina la gh al scunsìlia parchè 'l è 'n sacrifìsi tròp élt. In cal méntar la decìd 'd andàr a cumbàtar lē in dl'aréna e acsè la gh la cava a masàr cal tôr là.