Bodo Ramelow
|
C'l artìcol chè 'l è scrit in
Carpśàn |
Bodo Ramelow (nê al 16 ed fervèr dal 1956 a Osterholz-Scharmbeck in dla Basa Sasónia) 'l è 'n pulìtic tedèsch dal partî Die Linke (a dìr "La Sinìstra").
Da 'l 5 ed disèmber 2014 Bodo 'l è dvintê 'l Ministerpräsident (guvernadōr) dal stêt federêl tedèsch edla Turìngia e dòunca 'l è al prim pulìtic ed pinsér cumunìsta ch'a s sìa alśû guvernadōr ind un stêt federèl tedesch.
Dòp 'd èser stê per dō volti, da 'l 2001 a 'l 2005, e da 'l 2009 a 'l 2014, asesōr in dal parlamèint dla Turìngia, da 'l 2005 a 'l 2009 Ramelow 'l era dvintê deputê dal parlamèint federèl tedèsch.
La só formasiòun e i mistēr
[mudéfica la surzéia]Fin da ragàs Bodo al tachèva a lavurèr in dal vènditi, tulènd in cal mèinter anc al diplóma 'd perî dal cumérsi. In di an Utànta, màinter ch'al dirîģ a Marburg, na filièla lochêl ed supermerchê, al dvàinta sindacalìsta in dl'Assia e piò tèrd, in di an '90, segretàri generêl dal sindachêt dal cumérs in dla Turìngia.
La caréra pulìtica
[mudéfica la surzéia]In dal 1994 Bodo al fà pert dal Partî dal Socialìśum Demucràtic (PDS, precursōr dal partî Die Linke) e in dal 1997 al sotascrìv la "Dichiarasiòun 'd Erfurt" (Erfurter Erklärung), un documèint ed colaborasiòun col partî Bündnis 90 / Die Grünen osìa "Aleànsa 90 / I Vérd", per purtèr piò 'd giustìsia socêl in dla Turìngia[1].
In dal 2001 al Bodo al vgniva elèt segretàri dal PDS per la Turìngia[2], c'ma 'l gnìva elêt n'ètra volta po' in dal 2004. In dai elesiòun dal 13 ed śùgn 2004 al só partî dla sinìstra radichêl la tōś al 26,1% di vōt, al mijōr riśultê da 'l 1990, mo la CDU dal Dieter Althaus la ciàpa però la magioràṅsa asolùta.
Eter progèt
[mudéfica la surzéia]
Wikimedia Commons contiene file multimediali su Bodo Ramelow
Colegamèint estèren
[mudéfica la surzéia]- (DE) La só Homepage
- (DE) Sit dal Parlamèint dla Turìngia.
- (DE) Verfassungsschutz darf Linke beobachten – Nicht nur rechtswidrig, sondern dumm, 'n artìcol ch'al descòr ed lò, in dal Süddeutsche Zeitung dal 22 'd Lòj dal 2010.
- (IT) 'N artìcol in sìm'a Ticinonline in dla reda
- (IT) La nutìsia in sìm'a Dagospia.com.
- (IT) Soquànt artìcol in sìm'a Libero.it.
Noti
[mudéfica la surzéia]- ↑ (DE) Erfurter Erklärung, Zeitschrift für Sozialistische Politik und Wirtschaft (spw), Ausgabe 1/97
- ↑ (DE) Matthias Wyssowa: Ein Mann setzt auf Rot. faz.net, 3. August 2014, abgerufen am 6. August 2014