Bob Clark
|
C'l artìcul chè 'l è scrit in
Miranduléś |
Benjamin Robert Clark, cgnusû méj cuma Bob Clark (New Orleans, 5 'd Agóst dal 1939 - Los Angeles, 4 'd Avrìl dal 2007) 'l è stâ 'n regista, prudutōr e senegiadōr americàṅ, specialiśâ in B-movie.
Biugrafìa
Carsû a prima a Birmingham (Alabàma) e pò a Fort Lauderdale in Flòrida, Bob da śōv'n al śōga a football americàṅ cuma quarterback in di diletànt in dal méntar ch'al s làurea in filuśufìa.
A 'l cìnema al fà 'l sò debùt in dal 1967 girànd la pelìcula She-Man, stòria 'd un suldâ custrét a tōr di estrògen e a mét'r-as mudàndi e regipèt da dóna par via 'd un ricàt da part 'd un travestî viulènt sèg. In séguit al pasa a i film ad scarésa faghénd vgnir fóra L'assedio dei morti viventi (1972), La morte dietro la porta (1972) e Black Christmas - Un Natale rosso sangue (1974), pelìcula ch'a 'l dè 'd incō l'è cunsideràda 'n clàsic ad cal gèrnar chè e ch'la gh'à abû 'n arfacimènt c'n al stés tìtul in dal 2006.
In di an Utànta al pasa a far di film più alśēr cuma Tribute - Serata d'onore (1980) cun Jack Lemmon e la Kim Cattrall e Nick lo scatenato (1984) con Sylvester Stallone. I èṅ però al sò cumèdi spurcaciòni Porky's - Questi pazzi pazzi porcelloni (1981) e Porky's II - Il giorno dopo (1983) a catàr al sucès fra 'l pùblic, specialmènt fra i più śōvan.
Bob Clark 'l è mòrt a ssanta-sèt an in incidènt in màchina, insém a sò fiōl Ariel ad vint-a-dū, par via 'd un SUV ch'al gh'è andâ adòs esénd al guidadōr imbariàg e sénsa patènt.
Filmugrafìa
- 1967 - She-Man (She-Man: A Story of Fixation)
- 1972 - L'assedio dei morti viventi (Children Shouldn't Play with Dead Things)
- 1972 - La morte dietro la porta (Dead of Night)
- 1974 - Black Christmas - Un Natale rosso sangue (Black Christmas)
- 1976 - Punto di rottura (Breaking Point)
- 1979 - Assassinio su commissione (Murder by Decree)
- 1980 - Tribute - Serata d'onore (Tribute)
- 1981 - Porky's - Questi pazzi pazzi porcelloni (Porky's)
- 1983 - Porky's II - Il giorno dopo (Porky's II - The Next Day)
- 1983 - A Christmas Story - Una storia di Natale (A Christmas Story)
- 1984 - Nick lo scatenato (Rhinestone)
- 1985 - Turk 182 (Turk 182!)
- 1987 - Colpo di scena (From the Hip)
- 1990 - Poliziotti a due zampe (Loose Cannons)
- 1994 - Una lunga pazza estate (It Runs in the Family)
- 1999 - Un genio in pannolino (Baby Geniuses)
- 2000 - Il ricordo di un aprile (I'll Remember April)
- 2002 - Now & Forever
- 2004 - Un genio in pannolino 2 (Superbabies: Baby Geniuses 2)
- 2007 - Blonde and Blonder