Boat Trip - Crociera per single

Da Wikipedia.

C'l artìcul chè 'l è scrit in Miranduléś Emiliàn

Boat Trip
Boat Trip - Crociera per single

Horatio Sanz e la Silvstedt in na figùra dal film
Viàś in Naṿ - Cruśéra par put
2003
Regìa: Mort Nathan
Scritōr: Mort Nathan • William Bigelow
Atōr: Cuba Gooding Jr.Horatio SanzLin Shaye
Roger MooreVictoria SilvstedtVivica A. Fox
Roselyn SánchezMaurice GodinZen Gesner
Ken Hudson CampbellRichard Roundtree
Müsica: Robert Folk
Léngua: InglésŚvedéśSpagnōl
Dürä dal film: 94 minüt
Nasiōṅ: Stat UnîGermàgna


«
Na naṿ pîna ad ridùdi, schèrs e bèli dóni.»
(Tagline dal film)


Boat Trip - Crociera per single (Viàś in Naṿ - Cruśéra par put) 'l è 'n film còmic dal 2003 ad Mort Nathan, prudót da di Tedésc e da di Americàṅ, cun al Prèmi Òscar Cuba Gooding Jr. ch'al fà al prutagunìsta.

Sunt

Mulâ da la sò muróśa Felicia (Vivica A. Fox), dòp ch'in na gita in mungulféra al gh'iva butâ adòs al sò gòmit in dal méntar ch'al gh dmandàva la maṅ, Jerry (Cuba Gooding Jr.) al decìd ad dar-'g un taj faghénd na cruśéra par cgnósar dal bèli fighi insém a 'l sò amìg Nick Ragoni (Horatio Sanz). Ma qvést chè, in 'n atàc ad cretinìśia, al tōś in gir al muróś ad quél d'l agensìa ad viàś che, par vindicàr-as, al gh mòla dū bijét par na cruśéra par fnòć invéci che una par put.

Quànd i s rèndan cònt dal tranèl 'l è tròp tard ma in mèś a 'l mâr a n gh'è gnint da far, sōl tgnir avèrt i òć e paràr via un vèć ciamâ Lloyd Feversham (Roger Moore) ch'al gh'iva butâ i òć adòs e ch'al gh gira 'd intóran cuma na mósca in si pét.

Da 'n elicòtar, culpî sénsa vlér da na sćiuptàda 'd un tiraràś, a vèṅ catâ sù un grup ad śugadōri ad vòley śvedéśi ch'i tōśan acsè pòst insìma a la naṿ par la cuntintésa 'd Nick ch'al 'n inprufìta pra far-ag di sfrēg e par spalmàr-ag dla créma par tìnśar-'s sóta 'l sōl, preśentànd-as cuma 'n fnòć. Che lōr i n gh'aṅ gnint in cuntràri ma la sò alenadōra (Lin Shaye), un dunèṅ brut cuma la fam e catìva cuma na spusla, la 'l para via. E quànd Nick al gh próa cun l’Inga (Victoria Silvstedt), cl'atra là la s càmbia ad cambra cun lē par pò catàr-'s a lèt cun al galét.

In cal méntar Jerry al cgnós la Gabriella (Roselyn Sánchez), na ragasōla ch'la lavóra lè faghénd l'animasiòṅ e insgnànd a balàr. Quànd òṅ di balarèṅ 'l è custrét a rinunsiàr a 'l spetàcul dla sira, Jerry al tōś al sò pòst trucànd-as da dóna sénsa savér che la Felicia l'è lè in mèś a 'l pùblic e ch'la 'l véd far al stimulèṅ. Se cun lì lē al ròbi i pàran andàr a raméngo par sèmpar, al stés quèl a n s pōl minga dir cun la Gabriella ch'la dvénta sò amìga e, cardénd-al un gay, la gh dmanda ad far-ag védar cum i s tìran i buchèṅ dand-ag na banàna in maṅ p'r insgnàr-ag.

Culegamènt estéran