Blade II
|
C'l artìcul chè 'l è scrit in
Miranduléś |
 Blade II | ||
 Wesley Snipes in na figùra dal film | ||
| id. 2002 | ||
|---|---|---|
| Regìa: Guillermo del Toro | ||
| Scritōr: Marv Wolfman Gene Colan • David S. Goyer | ||
| Atōr: Wesley Snipes • Kris Kristofferson Ron Perlman • Leonor Varela • Norman Reedus Thomas Kretschmann • Luke Goss • Donnie Yen Danny John-Jules • Matt Schulze • Karel Roden | ||
| Müsica: Marco Beltrami | ||
| Léngua: Ingléś | ||
| Dürä dal film: 117 minüt | ||
| Nasiōṅ: Stat Unî | ||
Blade II (id.) 'l è 'n film fantàstic americàṅ dal 2002 ad Guillermo del Toro trat da 'l persunàǵ di fumét dla Marvel Comics creâ par Marv Wolfman e par Gene Colan. 'L è 'l secónd capìtul dna trilugìa dòp Blade dal 1998 e prima 'd Blade: Trinity dal 2004.
Custâ sinquànta-quàtar migliòṅ ad dòlar, al film al 'n à pò purtâ a cà sènt-sinquantasìnc.
Sunt
[mudéfica la surzéia]Al casadōr ad vampîr Eric Brooks dit Blade (Wesley Snipes), dòp avēr salvâ da i sò nemìg al sò mìstar Abraham Whistler (Kris Kristofferson), al ricév da 'l cap di ciùcia-sànguv Eli Damaskinos (Thomas Kretschmann) na prupósta ad trégua par mét'r insém al fòrsi par cumbàtar Jared Nomak (Luke Goss), mémbar dna rasa nóva 'd vampîr più fòrta nada da na mutasiòṅ uriginàda da 'n vìrus. Chi lò, a cap 'd un grup ciamâ i “Madōr” ad gint trasfurmàda da 'l sò mòrśag ch'i vìvan sót-tèra in dla canaléta dla sità, 'l à tacâ a tōr ad mira i vampîr ma anc i “diùran” i èṅ in perìcul.
A Blade e a Whistler, ólt'r a 'l inventōr Scud (Norman Reedus), i s śòntan dònca anc la Nyssa (Leonor Varela), fiōla 'd Damaskinos, Asad (Danny John-Jules), Reinhardt (Ron Perlman), Chupa (Matt Schulze), Lighthammer (Daz Crawford), Verlaine (Marit Velle Kille) e Snowman (Donnie Yen).