Billy Zane
|
C'l artìcul chè 'l è scrit in
Miranduléś |
.jpg)
William George Zane Jr., cgnusû méj cuma Billy Zane (Chicago, 24 ad Favràr dal 1966), 'l è 'n atōr americàṅ cun di urìgini gréchi (sò nunòṅ al s éra scurtâ 'l cugnóm da Zanetakos). 'L à catâ 'l sucès a 'l cìnema specialmènt in di an Nuànta, faghénd da spés dal part ad catìṿ o 'd antipàtic, pò 'l à tacâ anc a dipìnśar di quàdar astràt e a far dal móstri.
Biugrafìa
Al sò prim film 'l è stâ Ritorno al futuro dal 1985 in dua 'l fava 'l amìg ad Biff Tannen (stésa part anc in dal séguit dal 1989 Ritorno al futuro - Parte II) ma 'l sò prim rōl impurtànt 'l è qvél dal psicupàtig ch'in Ore 10: calma piatta del 1989 al sequéstra na còpia (la Nicole Kidman e Sam Neill) in vacànsa in barca. 'L an dòp l'è la vòlta 'd Memphis Belle e dal film ad Carlo Vanzina Miliardi cun la Carol Alt e Jean Sorel, in dua 'l fava òṅ di anvōd dal prutagunìsta pîṅ 'd bèsi.
In dal 1992 'l à laurâ cun la Tilda Swinton in Orlando, pelìcula dla Sally Potter. In dal 1994 al fà 'l agìnt d'l FBI Jo Dee Fostar in Il silenzio dei prosciutti, parudìa 'd Il silenzio degli innocenti fata p'r Ezio Greggio méntar 'l an dòp al s dà a la scarésa, dòp Critters, gli extraroditori dal 1986, faghénd Il cavaliere del male, pelìcula ispiràda a la série televiśìva I racconti della cripta.
In dal 1996 al fà 'l èx amànt dla Cameron Diaz mòrt masâ in dal thriller Acque profonde ad Jim Wilson. In dal 1997 al tōś part insém a Leonardo DiCaprio e a la Kathy Bates a 'l film campiòṅ 'd incàs Titanic ad James Cameron in du 'l à fat la part dal muróś sénsa cōr dla prutagunìsta Kate Winslet.
In televiśiòṅ 'l à recitâ in soquànt epiśòdi ad Matlock, La signora in giallo, I segreti di Twin Peaks, I racconti della cripta e Streghe.
Filmugrafìa
- 1985 - Ritorno al futuro (Back to the Future), regìa ad Robert Zemeckis
- 1986 - Critters, gli extraroditori (Critters), regìa ad Stephen Herek
- 1989 - Ore 10: calma piatta (Dead Calm), regìa ad Phillip Noyce
- 1989 - Going Overboard, regìa dla Valerie Breiman
- 1989 - Ritorno al futuro - Parte II (Back to the Future Part II), regìa ad Robert Zemeckis
- 1990 - Megaville, regìa ad Peter Lehner
- 1990 - Memphis Belle, regìa ad Michael Caton-Jones
- 1990 - Miliardi, regìa ad Carlo Vanzina
- 1992 - Orlando, regìa dla Sally Potter
- 1993 - Lake Consequence - Un uomo e due donne (Lake Consequence), regìa ad Rafael Eisenman – film TV
- 1993 - Posse - La leggenda di Jessie Lee (Posse), regìa ad Mario Van Peebles
- 1993 - Tombstone, regìa ad George Pan Cosmatos
- 1993 - One Shot One Kill - A colpo sicuro (Sniper), regìa ad Luis Llosa
- 1993 - Poetic Justice, regìa ad John Singleton
- 1993 - Innocenza tradita (Betrayal of the Dove), regìa ad Strathford Hamilton
- 1994 - Il silenzio dei prosciutti, regìa ad Ezio Greggio
- 1994 - Reflections on a Crime, regìa ad Jon Purdy
- 1994 - Incendio assassino (Flashfire), regìa 'd Elliot Silverstein
- 1994 - Only You - Amore a prima vista (Only You), regìa ad Norman Jewison
- 1995 - Inganno fatale (The Set Up), regìa ad Strathford Hamilton
- 1995 - Il cavaliere del male (Demon Knight), regìa 'd Ernest Dickerson
- 1996 - The Phantom - Il ritorno dell'uomo mascherato (The Phantom), regìa ad Simon Wincer
- 1996 - Acque profonde (Head Above Water), regìa ad Jim Wilson
- 1996 - Danger Zone, regìa 'd Allan Eastman
- 1997 - Titanic, regìa ad James Cameron
- 1998 - I Woke Up Early the Day I Died, regìa 'd Aris Iliopulos
- 1998 - Delitto imperfetto (Susan's Plan), regìa ad John Landis
- 1998 - Niente da dichiarare (Taxman), regìa 'd Alain Zaloum
- 2001 - Zoolander, regìa ad Ben Stiller
- 2001 - CQ, regìa ad Roman Coppola
- 2001 - Morgan's Ferry, regìa ad Sam Pillsbury
- 2001 - The Believer, regìa 'd Henry Bean
- 2002 - Landspeed - Massima velocità (Landspeed), regìa ad Christian McIntire
- 2003 - Warnings - Presagi di morte (Silent Warnings), regìa ad Christian McIntire
- 2003 - The Kiss, regìa ad Gorman Bechard
- 2003 - Vlad, regìa ad Michael D. Sellers
- 2004 - Silver City, regìa ad John Sayles
- 2005 - The Pleasure Drivers, regìa 'd Andrzej Sekuła
- 2005 - Bloodrayne, regìa 'd Uwe Boll
- 2005 - L'isola dei sopravvissuti (Three), regìa ad Stewart Raffill
- 2006 - Kurtlar Vadisi: Irak, regìa ad Serdar Akar
- 2006 - The Plan (The Last Drop), regìa ad Colin Teague
- 2006 - Memory, regìa ad Bennett Davlin
- 2007 - The Mad, regìa ad John Kalangis
- 2007 - Fishtales, regìa 'd Alki David
- 2007 - Alien Hunt - Attacco alla Terra (Alien Agent), regìa ad Jesse V. Johnson
- 2008 - The Man Who Came Back, regìa ad Glen Pitre
- 2009 - Love N' Dancing, regìa ad Robert Iscove
- 2009 - Surviving Evil, regìa ad Terence Daw
- 2009 - To kako - Stin epohi ton iroon, regìa ad Yorgos Noussias
- 2009 - Darfur, regìa 'd Uwe Boll
- 2010 - Magic Man, regìa ad Roscoe Lever
- 2010 - The Confidant, regìa 'd Alton Glass
- 2010 - Enemies Among Us, regìa ad Dan Garcia
- 2011 - Flutter, regìa ad Giles Borg
- 2011 - Mama, I Want to Sing!, regìa ad Charles Randolph-Wright
- 2011 - The Roommate - Il terrore ti dorme accanto (The Roommate), regìa ad Christian E. Christiansen
- 2011 - Sniper 4 - Bersaglio mortale (Sniper: Reloaded), regìa ad Claudio Fäh
- 2011 - Mercenaries, regìa ad Paris Leonti
- 2012 - Il Re Scorpione 3 - La battaglia finale (The Scorpion King 3: Battle for Redemption), regìa ad Roel Reiné
- 2012 - Two Jacks, regìa ad Bernard Rose
- 2012 - The Mule, regìa dla Gabriela Tagliavini
- 2012 - The Kill Hole, regìa ad Mischa Webley
- 2013 - The Employer, regìa ad Frank Merle
- 2013 - Blood of Redemption, regìa ad Giorgio Serafini
- 2014 - Scorned, regìa ad Mark Jones
- 2016 - Zoolander 2, regìa ad Ben Stiller
- 2016 - Sniper - Nemico fantasma (Sniper: Ghost Shooter), regìa ad Don Michael Paul
- 2017 - Sniper - Scontro totale (Sniper: Ultimate Kill), regìa ad Claudio Fäh
- 2018 - Samson - La vera storia di Sansone (Samson), regìa ad Bruce Macdonald e 'd Gabriel Sabloff
- 2018 - Holmes & Watson - 2 de menti al servizio della regina (Holmes & Watson), regìa 'd Etan Cohen
- 2020 - The Great War, regìa ad Steven Luke
- 2020 - Fantasmi di guerra (Ghosts of War), regìa 'd Eric Bress
- 2024 - Waltzing with Brando, regìa ad Bill Fishman