Beryl Reid

C'l artìcul chè 'l è scrit in Miranduléś

La Beryl Elizabeth Reid (Hereford, 17 ad Śugn dal 1919 - Wexham, 13 'd Utóbar dal 1996) l'è stada n'atōra britàniga.

Biugrafìa

Nada in d'l Herefordshire da di genitōr scuséś, la Beryl l'è pò carsùda a Manchester. A séd'ś an l'à tacâ la caréra in dal mónd dal spetàcul, laurànd anc a 'l Royal National Theatre e tulénd part a 'l spetàcul radiufònig dla BBC Radio Educating Archie.

A 'l cìnema al sò rōl più impurtànt 'l è stâ séns àtar qvél dl'atōra puòsa e lèśbica ch'in un prugràma 'd sucès la fava la part dna sōra ch'la gh'iva na paròla bòna par tut, la Sister George, in dal film dramàtic L'assassinio di Sister George ad Robert Aldrich, part ch'la gh'à frutâ na candidadùra a i Golden Globe.

In séguit l'à catâ spasi anc in soquànt àtar film, specialmènt ad scarésa, cuma Frustrazione dal 1972, in di pagn dla sgnōra Ambrose a fiànc ad Vincent Price, Psychomania dal 1973, cun prutagunìsta George Sanders, e Il dottore e i diavoli dal 1985, insém a Timothy Dalton, Julian Sands, Stephen Rea e la Twiggy.

Fra i sò àtar lavōr su i schérum grand a psém arcurdàr al cumèdi L'infallibile ispettore Clouseau? (1968), cun Alan Arkin in di pagn d'l ispetōr Jacques Clouseau, e Niente sesso, siamo inglesi (1973).

In televiśiòṅ a l'ém vista in The Benny Hill Show, Caro papà, La talpa, Lo spaventapasseri, Doctor Who, Tutti gli uomini di Smiley e dimóndi àt'r incóra.

L'è mòrta a stanta-sèt an par dal cumplicasiòṅ ligàdi a na palmunît.