Berry Berenson
|
C'l artìcul chè 'l è scrit in
Miranduléś |
La Berinthia Berenson Perkins, cgnusùda cuma Berry Berenson (New York, 14 'd Avrìl dal 1948 - New York, 11 ad Setémbar dal 2001) l'è stada n'atōra, mudèla e futógrafa americàna.
Nada a Manhattan da na famìja cun di urìgini rusi, pulàchi, francéśi, śvisri e itagliàṅi (un sò nunòṅ a la luntàna 'l éra 'l astrònum Giovanni Schiaparelli ch'al cardìva 'd avēr catâ di canài su Mart), la Berry l'éra surèla dla mudèla e atōra Marisa Berenson. Tgnénd-'g adrē, faghénd i sò stés pas dòp avēr laurâ cuma futógrafa p'r al rivìsti Life, Glamour, Vogue e Newsweek, l'à fat al sò debùt a 'l cìnema tulénd part a 'l thriller Ricorda il mio nome dal 1978, prudót par Robert Altman, in dua l'à incruśâ la Geraldine Chaplin, Jeff Goldblum e sò marè Anthony Perkins, cgnusû su 'l set dal film Play It As It Lays dal 1972 e spuśâ al 9 'd Agóst dal 1973. La còpia la gh'à abû dū fiōi, Oz e Elvis.
In séguit a l'ém vista insém a sò marè in dal thriller Rebus per un assassinio (1979), cun prutagunìsta Jeff Bridges, e pò incóra in dal film ad scarésa Il bacio della pantera (1982) a fiànc dla Nastassja Kinski e 'd Malcolm McDowell. L'à recitâ anc in dla minisérie televiśìva in tri epiśòdi Scruples.
'L 11 ad Setémbar dal 2001 l'à catâ la mòrt durànt 'l atintâ a 'l Tór Śmèli, strulgâ da 'n grup ad terurìsta ligâ a al-Qaida, esénd lē a bōrd d'l aparéć dal Vōl American Airlines 11 ch'l è finî cóntar la tór nòrd. I sò rèst i n èṅ mai stâ catâ, sōl un sò anèl.
Filmugrafìa
[mudéfica la surzéia]- 1978 - Ricorda il mio nome (Remember My Name), regìa 'd Alan Rudolph
- 1979 - Rebus per un assassinio (Winter Kills), regìa ad William Richert
- 1982 - Il bacio della pantera (Cat People), regìa ad Paul Schrader
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Berry Berenson
