Ben Foster (atōr)

C'l artìcul chè 'l è scrit in Miranduléś

Benjamin A. Foster, cgnusû méj cuma Ben Foster (Boston, 29 'd Utóbar dal 1980, a s lèś [bɛn ˈfɑːstər] in ingléś), 'l è 'n atōr americàṅ, vinsidōr d'n Emmy Award in dal 2003 par la part ad Trevor Adams in dal thriller par la televiśiòṅ Bang bang, sei morto.

In televiśiòṅ 'l à laurâ in dal série televiśìvi Tucker e Becca, nemici per la pelle e Six Feet Under in dla part ad Russel Corwin.

Biugrafìa

Foster al nas in Massachusetts da na famìja cun dal raìś rusi ad religiòṅ ebràica, pruprietària 'd un risturànt. Al gh'à 'n fradèl più pìcul ciamâ Jon, anc lò atōr, nâ in Iowa in du i sò genitōr i ér'n andâ a star quànd lò al gh'iva quàt'r an. Dòp ès'r andâ a vìv'r in Califòrgna, a séd'ś an 'l à fat al sò debùt a 'l cìnema tulénd part a 'l thriller Scacco all'organizzazione (1996).

In séguit 'l à laurâ in dla cumèdia Big Trouble - Una valigia piena di guai (2002), insém a Tim Allen, a la Rene Russo e a Stanley Tucci, in dal thriller In linea con l'assassino (2002), cun prutagunìsta Colin Farrell, in dal film ad scarésa Ore 11:14 - Destino fatale (2003), in dla part d'l arvèrs Eddie, e in The Punisher (2004), pelìcula trata da 'n fumét dla Marvel Comics cun Thomas Jane e John Travolta.

In dal 2004 l'Asia Argento 'l al sarnìs par far-ag far òṅ di sò muróś viulènt in Ingannevole è il cuore più di ogni cosa méntar 'l an dòp 'l à catâ spasi in dal pulisiésc Hostage a fiànc ad Bruce Willis. Dal 2006 i èṅ invéci al pulisiésc Alpha Dog, cun Justin Timberlake, e X-Men - Conflitto finale in dla part dal mutànt Warren Worthington III (Àngil).

Àtar film ad chi an lè i èṅ Quel treno per Yuma (2007), cun Russell Crowe e Christian Bale, 30 giorni di buio (2007), c'n al rōl dal furastēr, e Birds of America - Una famiglia incasinata (2008), insém a Matthew Perry e a l'Hilary Swank.

In dal 2012 al fà 'l amìg testimòni ad nòsi ad Mark Wahlberg in dal thriller 'd asiòṅ Contraband par pò tōr part a Lone Survivor (2013), in dla part 'd un navy SEAL impgnâ in Afghanistan, Giovani ribelli - Kill Your Darlings (2013), cun Daniel Radcliffe in di pagn dal puéta americàṅ Allen Ginsberg, Inferno (2016), c'n al rōl dal siensiâ migliardàri e trasfurmìsta Bertrand Zobrist nemìg ad Tom Hanks, e Hell or High Water (2016), in còpia cun Chris Pine.

Fra i sò ùltim lavōr a 'rcurdém al biugràfic Emancipation - Oltre la libertà (2022), in dla part 'd un casadōr ad séruv dla Luiśiàna ch'al dà la casa a Will Smith durànt i an dla guèra 'd secesiòṅ americàna, e 'l thriller 'd asiòṅ Finestkind (2023) in du 'l fà la part dal prutagunìsta.

Dòp na relasiòṅ cun la culéga Robin Wright, in dal 2016 'l à spuśâ l'atōra Laura Prepon par pò lasàr-la in dal 2023. Insém i gh'aṅ dū fiōi.

Filmugrafìa

1996 - Scacco all'organizzazione (Kounterfeit), regìa ad John Mallory Asher
1998 - La maledizione di Sarah (I've Been Waiting for You), regìa ad Christopher Leitch - Film TV
1998 - Breakfast with Einstein, regìa ad Craig Shapiro - Film TV
1998 - 1973, regìa ad Gail Mancuso - Film TV
1999 - Liberty Heights, regìa ad Barry Levinson
2001 - Get Over It, regìa ad Tommy O'Haver
2002 - The Laramie Project, regìa ad Moisés Kaufman - Film TV
2002 - Big Trouble - Una valigia piena di guai (Big Trouble), regìa ad Barry Sonnenfeld
2002 - Bang bang, sei morto (Bang Bang You're Dead), regìa ad Guy Ferland - Film TV
2002 - In linea con l'assassino (Phone Booth), regìa ad Joel Schumacher
2003 - Northfork, regìa ad Michael Polish
2003 - Ore 11:14 - Destino fatale (11:14), regìa ad Greg Marcks
2004 - The Punisher, regìa ad Jonathan Hensleigh
2004 - Ingannevole è il cuore più di ogni cosa (The Heart Is Deceitful Above All Things), regìa dl'Asia Argento
2005 - Hostage, regìa ad Florent Emilio Siri
2006 - Alpha Dog, regìa ad Nick Cassavetes
2006 - X-Men - Conflitto finale (X-Men: The Last Stand), regìa ad Brett Ratner
2007 - Quel treno per Yuma (3:10 to Yuma), regìa ad James Mangold
2007 - 30 giorni di buio (30 Days of Night), regìa ad David Slade
2008 - Birds of America - Una famiglia incasinata (Birds of America), regìa ad Craig Lucas
2009 - Oltre le regole - The Messenger (The Messenger), regìa 'd Oren Moverman
2009 - Pandorum - L'universo parallelo (Pandorum), regìa ad Christian Alvart
2011 - Professione assassino (The Mechanic), regìa ad Simon West
2011 - Here, regìa ad Braden King
2011 - Passioni e desideri (360), regìa ad Fernando Meirelles
2011 - Rampart, regìa 'd Oren Moverman
2012 - Contraband, regìa ad Baltasar Kormákur
2013 - North of South, West of East, regìa dla Meredith Danluck
2013 - Giovani ribelli - Kill Your Darlings (Kill Your Darlings), regìa ad John Krokidas
2013 - Senza santi in paradiso (Ain't Them Bodies Saints), regìa ad David Lowery
2013 - Lone Survivor, regìa ad Peter Berg
2014 - National Theatre Live: A Streetcar Named Desire, regìa ad Benedict Andrews e 'd Nick Wickham
2015 - The Program, regìa ad Stephen Frears
2016 - L'ultima tempesta (The Finest Hours), regìa ad Craig Gillespie
2016 - Hell or High Water, regìa ad David Mackenzie
2016 - Warcraft - L'inizio (Warcraft), regìa ad Duncan Jones
2016 - Inferno, regìa ad Ron Howard
2017 - Rock 'n Roll, regìa ad Guillaume Canet
2017 - Hostiles - Ostili (Hostiles), regìa ad Scott Cooper
2018 - Senza lasciare traccia (Leave No Trace), regìa dla Debra Granik
2018 - Galveston, regìa dla Mélanie Laurent
2021 - Harry Haft - Storia di un sopravvissuto (The Survivor), regìa ad Barry Levinson - Film TV
2022 - The Contractor, regìa ad Tarik Saleh
2022 - Hustle, regìa ad Jeremiah Zagar
2022 - Medieval, regìa ad Petr Jákl
2022 - Emancipation - Oltre la libertà (Emancipation), regìa 'd Antoine Fuqua
2023 - Finestkind, regìa ad Brian Helgeland
2024 - King Ivory, regìa ad John Swab
2024 - Sharp Corner, regìa ad Jason Buxton
2025 - Long Day's Journey into Night, regìa ad Jonathan Kent
2025 - Motor City, regìa ad Potsy Ponciroli
2025 - Christy, regìa ad David Michôd

Culegamènt estéran

(IT) Filmugrafìa in s'l IMDb

Àtar prugèt

Wikimedia Commons contiene file multimediali su Ben Foster (atōr)