Ben Chaplin

C'l artìcul chè 'l è scrit in Miranduléś

Benedict John Greenwood, cgnusû méj cuma Ben Chaplin (Windsor, 1 ad Dicémbar dal 1984, a s lèś [bɛn ˈtʃæplɪn] in ingléś), 'l è 'n atōr britànig.

Al n è minga parènt ad Charlie Chaplin, al cugnóm ch'l à tòlt in prèst 'l è qvél ad sò màdar, 'l insgnànta Cynthia, méntar sò pàdar 'l è 'l inśgnēr Peter Greenwood. Ùltim ad quàtar fradèi, 'l à tacâ la sò caréra da atōr a 'l inìsi di an Nuànta laurànd par la televiśiòṅ ingléśa in fiṅ tant ch'in dal 1993 James Ivory al 'l à sarnî par na part piculìna in Quel che resta del giorno, film cun Anthony Hopkins, l'Emma Thompson e Hugh Grant.

In dal 1996 'l è andâ a lauràr in di Stat Unî par tōr part a la cumèdia Un uomo in prestito cun l'Uma Thurman. Dū an dòp l'è la vòlta dal film ad guèra La sottile linea rossa ad Terrence Malick. In séguit 'l à recitâ in dal film ad scarésa Lost Souls - La profezia cun la Winona Ryder, in dla cumèdia Birthday Girl cun la Nicole Kidman e in dal thriller Formula per un delitto cun la Sandra Bullock.

In dal 2004 'l à fat al duca 'd Buckingham in dal film in custùm Stage Beauty, a fiànc ad Billy Crudup e 'd Rupert Everett, mént'r in dal 2005 'l à catâ spasi in dal stòric The New World - Il nuovo mondo, fat insém a Colin Farrell, Christian Bale e la Q'orianka Kilcher in di pagn dla Pocahontas.

Fra i sò ùltim lavōr a 'rcurdém al biugàfic Snowden, cun Joseph Gordon-Levitt in dla part 'd Edward Snowden, e 'l drama La nave sepolta, in còpia cun Ralph Fiennes.

Filmugrafìa

1993 - Quel che resta del giorno (The Remains of the Day), regìa ad James Ivory
1995 - Festa di luglio (Feast of July), regìa ad Christopher Menaul
1996 - Un uomo in prestito (The Truth About Cats & Dogs), regìa ad Michael Lehmann
1997 - Washington Square - L'ereditiera (Washington Square), regìa dl'Agnieszka Holland
1998 - La sottile linea rossa (The Thin Red Line), regìa ad Terrence Malick
2000 - Lost Souls - La profezia (Lost Souls), regìa ad Janusz Kaminski
2001 - Birthday Girl, regìa ad Jez Butterworth
2002 - Formula per un delitto (Murder by Numbers), regìa ad Barbet Schroeder
2004 - Stage Beauty, regìa ad Richard Eyre
2005 - Chromophobia, regìa dla Martha Fiennes
2006 - The New World - Il nuovo mondo (The New World), regìa ad Terrence Malick
2006 - Two Weeks, regìa ad Steve Stockman
2007 - The Water Horse - La leggenda degli abissi (The Water Horse), regìa ad Jay Russell
2008 - Me and Orson Welles, regìa ad Richard Linklater
2009 - Dorian Gray, regìa 'd Oliver Parker
2010 - London Boulevard, regìa ad William Monahan
2011 - Twixt, regìa ad Francis Ford Coppola
2013 - The Wipers Times, regìa 'd Andy De Emmony – Film TV
2015 - Cenerentola (Cinderella), regìa ad Kenneth Branagh
2015 - Little Boy, regìa 'd Alejandro Monteverde
2016 - The Legend of Tarzan, regìa ad David Yates
2016 - Snowden, regìa 'd Oliver Stone
2017 - The Children Act - Il verdetto (The Children Act), regìa ad Richard Eyre
2019 - Roads, regìa ad Sebastian Schipper
2021 - La nave sepolta (The Dig), regìa ad Simon Stone
2024 - September 5 - La diretta che cambiò la storia (September 5), regìa ad Tim Mielants
2026 - Panic Carefully, regìa ad Sam Esmail

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Ben Chaplin