Barbara Crampton

C'l artìcul chè 'l è scrit in Miranduléś

La Barbara Crampton (Levittown, 27 ad Dicémbar dal 1958, a s lèś ˈbɑːrbərə ˈkræmptən in ingléś) l'è n'atōra americàna.

Da 'l pùblic l'è cgnusùda specialmènt p'r avēr recitâ in soquànti soap opera ad sucès cuma Febbre d'amore, faghénd la part dla Leanne Love ch'la gh'à purtâ anc un Soap Opera Digest Awards, Sentieri, in dal rōl dla Mindy Lewis, e Beautiful in dua l'à purtâ avànti al persunàǵ dla Maggie Forrester Warwick da 'l 1995 a 'l 1998 par 287 puntàdi. Atri série televiśìvi in du l'à tòlt part i èṅ stadi Il tempo della nostra vita, Santa Barbara, La tata e Cinque in famiglia.

A 'l cìnema l'à fat al sò debùt in dal 1984 girànd al thriller ad Brian De Palma Omicidio a luci rosse, insém a Craig Wasson e a la Melanie Griffith, par pò catàr spasi da spés in pelìculi ad scarésa cuma Re-Animator (1985), par la regìa ad Stuart Gordon, Supermarket horror (1986), girâ a 'l intèran dal sèntar cumersiàł Sherman Oaks Galleria ad Sherman Oaks, From Beyond - Terrore dall'ignoto (1986), in dla part dla dutōra Katherine McMichaels, e Puppet Master - Il burattinaio (1989). In chi an lè a l'ém vista anc in dla cumèdia spuraciòna Dal college con furore (1985), a fiànc ad Cameron Dye e 'd Tim Robbins.

In di an Nuànta l'à catâ spasi in dal film ad fantasiénsa Guerre di robot (1993), in còpia cun Don Michael Paul, e in d'l aventuróś Space Truckers (1996), cun prutagunìsta Dennis Hopper e Stephen Dorff. L'è turnàda a 'l pelìculi ad śgriśōr in séguit, recitànd in dal thriller eròtic Vendetta di mezzanotte (2001), in Giovani vampire (2004), in dla part dla prufesōra Master, in You're Next (2011), cun prutagunìsta la Sharni Vinson, in Le streghe di Salem (2012), cun la regìa ad Rob Zombie, e in La casa dell'orrore (2015), in dla part dna màdar che dòp avēr pardû sò fiōl la gh'à da far i cònt cun di spìrit ch'i stànan in dla sò cà in dal New England.

Fra i sò ùltim lavōr a psém nutàr al thriller dramàtic Run Hide Fight - Sotto assedio (2020), cun l'Isabel May e Thomas Jane, e 'l film ad scarésa Jakob's Wife (2021), in dla part dla mujēr schisa 'd Larry Fessenden che pò la s trasfórma dòp avēr incruśâ 'n vampîr.

Filmugrafìa

1984 - Omicidio a luci rosse (Body Double), regìa ad Brian De Palma
1984 - Love Thy Neighbor, regìa ad Tony Bill – Film TV
1985 - Dal college con furore (Fraternity Vacation), regìa ad James Frawley
1985 - Re-Animator, regìa ad Stuart Gordon
1986 - Il principe di Bel-Air (Prince of Bel Air), regìa ad Charles Braverman – Film TV
1986 - Supermarket horror (Chopping Mall), regìa ad Jim Wynorski
1986 - From Beyond - Terrore dall'ignoto (From Beyond), regìa ad Stuart Gordon
1987 - Rapimento (Kidnapped), regìa 'd Howard Avedis
1988 - Pulse Pounders, regìa ad Charles Band
1989 - Puppet Master - Il burattinaio (Puppet Master), regìa ad David Schmoeller
1991 - Trancers II: The Return of Jack Deth, regìa ad Charles Band
1993 - Guerre di robot (Robot Wars), regìa 'd Albert Band
1995 - Castle Freak, regìa ad Stuart Gordon
1996 - Space Truckers, regìa ad Stuart Gordon
1998 - The Godson, regìa ad Bob Hoge
1999 - Cold Harvest, regìa 'd Isaac Florentine
2000 - Learning to Surf, regìa ad R. J. Thomas
2001 - Temporale perfetto (Lightning: Fire from the Sky), regìa ad David Giancola – Film TV
2001 - Vendetta di mezzanotte (Thy Neighbor's Wife), regìa ad Jim Wynorski
2004 - Giovani vampire (The Sisterhood), regìa ad David DeCoteau
2006 - Read You Like a Book, regìa ad Robert N. Zagone
2008 - Never Enough: Sex, Money and Parking Garages in San Francisco, regìa ad Dave Sawle
2011 - You're Next, regìa 'd Adam Wingard
2012 - Le streghe di Salem (The Lords of Salem), regìa ad Rob Zombie
2014 - The Last Survivors, regìa ad Tom Hammock
2015 - La casa dell'orrore (We Are Still Here) , regìa ad Ted Geoghegan
2015 - Sun Choke, regìa ad Ben Cresciman
2015 - Tales of Halloween, regìa dl'Axelle Carolyn
2015 - Road Games, regìa 'd Abner Pastoll
2016 - Little Sister, regìa ad Zach Clark
2016 - Beyond the Gates, regìa ad Jackson Stewart
2016 - Day of Reckoning, regìa ad Joel Novoa
2017 - Replace, regìa ad Norbert Keil
2017 - Death House, regìa ad B. Harrison Smith
2017 - Dead Night, regìa ad Brad Baruh
2018 - Puppet Master: The Littlest Reich, regìa ad Sonny Laguna e 'd Tommy Wiklund
2018 - Reborn, regìa ad Julian Richards
2019 - Stay Out Stay Alive, regìa ad Dean Yurke
2019 - Deathcember, regìa dla Vivienne Vaughn
2020 - Run Hide Fight - Sotto assedio (Run Hide Fight), regìa ad Kyle Rankin
2020 - Sacrifice, regìa 'd Andy Collier e 'd Tor Mian
2021 - Jakob's Wife, regìa ad Travis Stevens
2021 - King Knight, regìa ad Richard Bates Jr.
2021 - Superhost, regìa ad Brandon Christensen
2021 - Onyx the Fortuitous and the Talisman of Souls, regìa 'd Andrew Bowser
2023 - Suitable Flesh, regìa ad Joe Lynch
2023 - Blackout, regìa ad Larry Fessenden
2023 - Ultima Fermata: Yuma County (The Last Stop in Yuma County), regìa ad Francis Galluppi
2024 - Snow Valley, regìa ad Brandon Murphy
2024 - Etheria Film Night 2024, regìa ad regìsta difarènt
2024 - Cursed in Baja, regìa ad Jeff Daniel Phillips
2024 - Little Bites, regìa ad Spider One
2025 - Teacher's Pet, regìa ad Noam Kroll
2025 - Every Heavy Thing, regìa ad Mickey Reece
2026 - Grind, regìa 'd Ed Dougherty, dla Brea Grant e dla Chelsea Stardust
2026 - Trauma or, Monsters All, regìa ad Larry Fessenden

Culegamènt estéran

(IT) Filmugrafìa in s'l IMDb

Àtar prugèt

Wikimedia Commons contiene file multimediali su Barbara Crampton