Barbara Bel Geddes

C'l artìcul chè 'l è scrit in Miranduléś

La Barbara Bel Geddes (New York, 31 'd Utóbar dal 1922 - Northeast Harbor, 8 'd Agóst dal 2005) l'è stada n'atōra americàna, candidàda a i Prèmi Òscar dal 1949 p'r al drama Mamma ti ricordo.

L'è dvintàda famóśa tulénd part a 'l telefìlm Dallas (1978-1990) in dua la fava la part dla Miss Ellie, la màd'r ad J.R. Ewing, praticamènt 'l ùnic persunàǵ bòṅ dabòṅ dla série in mèś a dla gint ch'la pinsàva sōl a i bèsi e a 'l sucès. Par cal rōl lè l'è stada premiàda c'n un Golden Globe e 'n Emmy Award. In televiśiòṅ l'à girâ anc quàtar puntàdi 'd Alfred Hitchcock presenta, fra 'l 1958 e 'l 1960, e una 'd Il dottor Kildare (1965).

Dòp 'n inìsi a Broadway da śōvna, 'l à laurâ anc a 'l cìnema tacànd da 'l drama dal 1947 La disperata notte, pelìcula cun Henry Fonda e Vincent Price. Dòp avēr recitâ in 14ª ora insém a Paul Douglas (1951), l'è stada indagàda da la cumisiòṅ par gl'atività anti-americàni durànt i an dal Macartìśum, vgnénd acsè scardàda da i mecanìśum dla cinsùra 'd Hollywood.

In chi an difìcii lè l'à tirâ avànti purtànd a teàt'r al drama 'd Tennessee Williams La gatta sul tetto che scotta (1956), faghénd la part dla Maggie, e di lavursèṅ in soquànt telefìlm. L'è turnàda a lauràr su i schérum grand sōl òt an dòp par mèrit 'd Alfred Hitchcock ch'al l'à sarnìda par far-ag far la part dla Midge, l'amìga dal prutagunìsta James Stewart, in dal sò śal La donna che visse due volte (1958).

L'è mòrta in dla sò cà in dal Maine p'r un cànc'r a i palmòṅ ch'la gh'iva utànta-dū an.

Filmugrafìa

1947 - La disperata notte (The Long Night), regìa 'd Anatole Litvak
1948 - Mamma ti ricordo (I Remember Mama), regìa ad George Stevens
1948 - Sangue sulla luna (Blood on the Moon), regìa ad Robert Wise
1949 - Nella morsa (Caught), regìa ad Max Ophüls
1950 - Bandiera gialla (Panic in the Streets), regìa 'd Elia Kazan
1951 - 14ª ora (Fourteen Hours), regìa 'd Henry Hathaway
1958 - La donna che visse due volte (Vertigo), regìa 'd Alfred Hitchcock
1959 - I cinque penny (The Five Pennies), regìa ad Melville Shavelson
1960 - Jovanka e le altre (5 Branded Women), regìa ad Martin Ritt
1961 - Ossessione amorosa (By Love Possessed), regìa ad John Sturges
1971 - Summertree, regìa 'd Anthony Newley
1971 - L'idolo (The Todd Killings), regìa ad Barry Shear
1977 - Our Town, regìa ad George Schaefer - Film TV

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Barbara Bel Geddes