Baciòc
|
C'l artìcul chè 'l è scrit in
Miranduléś |
.jpg)
Al baciòc (Batacchio in itagliàṅ) l'è na stanga 'd metàl ch'la s cata in dal campàni ch'al sarvìs par śbàtar-la da 'l intéran in manéra 'd far-la sunàr faghénd-la vibràr. La part finàla dal baciòc, ch'l'è qvéla ch'la gh'à da ciapàr incòst a la campàna, l'è più grôsa.
Al baciòc 'l è lìb'r ad mōv'r-as parchè 'l è ligâ a la campàna sōl da 'n anèl e dònca 'l è bòṅ ad dar dal śmartlàdi da 'l dū bandi a tùran. Di baciòc a gh 'n è ad dū categurìi, qvél vulànt (ch'al tîṅ adrē a i muimènt dla campàna) e qvél cascànt (ch'al culpìs da la banda cuntrària rispèt a la diresiòṅ dla campàna).