Baba Yaga (film)
|
C'l artìcul chè 'l è scrit in
Miranduléś |
 Baba Yaga | ||
.png) La Carroll Baker in na figùra dal film | ||
| id. 1973 | ||
|---|---|---|
| Regìa: Corrado Farina | ||
| Scritōr: Corrado Farina • Guido Crepax Giulio Berruti • François de Lannurien | ||
| Atōr: Carroll Baker • Isabelle De Funès George Eastman • Ely Galleani • Sergio Masieri Mario Mattia Giorgetti • Michele Mirabella Franco Battiato • Angela Covello • Carla Mancini | ||
| Müsica: Piero Umiliani | ||
| Léngua: Itagliàṅ | ||
| Dürä dal film: 89 minüt | ||
| Nasiōṅ: Itàglia | ||
Baba Yaga (id.) 'l è 'n film eròtic e 'd scarésa dal 1973 ad Corrado Farina, trat in na manéra libra da 'l fumét Baba Yaga: il fascino delle streghe dla série Valentina ad Guido Crepax. Par la part dla prutagunìsta, pò andàda a l'Isabelle de Funès, a 'l inìsi a s éra pinsâ anc a la Stefania Casini. In Rùsia la Baba Yaga, chè interpretàda par la Carroll Baker, l'è na stria di bòsc.
Al film, girâ c'n un budget ad ssanta migliòṅ ad franc, 'l è stâ dimóndi cinsurâ parchè tròp purcùs in alóra, cun di taj ad vint minùt, anc s'al regìsta al n éra minga 'd acòrd.
Sunt
[mudéfica la surzéia]La futógrafa milanéśa Valentina Rosselli (Isabelle De Funès) la va 'n a risć ad lasàr-'g al péni quànd na dóna misterióśa (Carroll Baker) la gh và adòs ad nòt cun la màchina. Dòp avēr-la sucórsa, la sgnōra l'invìda prima la Valentina a cà sua par far-ag far dal fóto a i sò presiōś e a dal ròbi antìghi e pò la gh rigàla na bàmbula vistìda bondage.
Cal śugàtul lè 'l è sincruniśâ cun la màchina futugràfica dla Valentina, quànd a sa schisa 'l butòṅ i partìsan di dard. La Valentina la créd ch'la dóna ch'l'à cgnusû la sia na stria e la in dascór c'n al sò amìg e amànt ch'al fà 'l regìsta, Arno Treves (George Eastman). Chi lò però al n gh dà minga a mènt.
In séguit la bàmbula la s trasfórma in na dóna ciamàda Annette (Ely Galleani).