B.T.K. Killer
|
C'l artìcul chè 'l è scrit in
Miranduléś |
 B.T.K. Killer | ||
 La Danielle Petty in na figùra dal film | ||
| B.T.K. Masadōr 2005 | ||
|---|---|---|
| Regìa: Ulli Lommel | ||
| Scritōr: Ulli Lommel | ||
| Atōr: Gerard Griesbaum • Danielle Petty Eric Gerleman • Victoria Ullmann • Erin Young Emelle • Shyla Fernandes • Michael Barbour Nola Roeper • Crystal Nelson • Fabian Gazzo | ||
| Müsica: Robert J. Walsh | ||
| Léngua: Ingléś | ||
| Dürä dal film: 82 minüt | ||
| Nasiōṅ: Stat Unî | ||
B.T.K. Killer (B.T.K. Masadōr) 'l è 'n film ad scarésa dal 2005 scrit e dirèt p'r Ulli Lommel. Al cònta la vita dal masadōr seriàł dal Kànsas Dennis Rader cgnusû cuma BTK Killer, da 'l acrònim ch'al druàva lò ch'a vōl dir “bound, torture and kill” (liga, turtùra e masa).
La pelìcula l'è stada giràda a Santa Mònica e a Marina del Rey in Califòrgna.
Sunt
[mudéfica la surzéia]Dennis Rader (Gerard Griesbaum) 'l è spuśâ cun la Paula (Crystal Nelson) e 'l gh'à dū fiōi. Al frequénta la céśa dal pastōr ad Wichita (Ricky Love) ma in segrét 'l è anc un masadōr seriàł sàdig ch'al gh cata gust a cupàr dal dóni dòp avēr-li prima ligàdi e turturàdi. Fra i sò ùltim cōlp fat, par rivàr a déś, a gh'è la Nancy (Erin Young), ch'la gh'à na butéga 'd gèrar alimentàr, la psicòluga Dolores (Emelle), la sgnōra Hatch (Victoria Ullmann) e la Vicki (Shyla Fernandes).
Dòp soquànt an in du 'l è armàś férum, in dal 2004 Dennis (Eric Gerleman) al tórna in asiòṅ, mandànd dal létri a na giurnalìsta dla televiśiòṅ, la Laci Peterson (Danielle Petty). La pulisìa la spéra ch'al pòsa far un pas fals per ciapàr-al.