Bôtel

C'l artìcul chè 'l è scrit in Miranduléś

Bôtel
un bôtel leupàrd (Thorogobius macrolepis)
Dominì: Eukaryota
Rèign: Animalia
Sòtrèign: Eumetazoa
Ram: Bilateria
Phylum: Chordata
Subphylum: Vertebrata
Superclâsa: Gnathostomata
Clâsa: Actinopterygii
Sòtclâsa: Osteichthyes
Superórdin: Acanthopterygii
Órdin: Gobiiformes
Sòtórdin: Gobioidei
Famija: Gobiidae, Cuvier (1816)

I bôtei (nóm sientìfic: Gobiidae, cgnusû in itagliàṅ cuma gobide o ghiozzo) i èṅ di pés 'd àqua dōlsa e salàda ch'i fànan part d'l órdan di Gobiiformes.

Al grup al gh'à duśènt gènar difarènt e da piò ad dumìla spéci. I s pōlan magnàr e i èṅ bòṅ specialmènt frit cuma 'l bôtel gò ch'al viṿ in dal nòrd dal mâr Adriàtic.

Descrisiòṅ

Chi pés chè i gh'ànan 'n aspèt ch'al s sumìlia dimóndi. Al pini su la schina i èṅ dū e la prima la gh'à di raǵ spinóś, La pina su 'l cûł invéci l'è simètrica e a 'l arvèrsa rispét a la secónda pina su la schina. Al pini su la pansa i èṅ tacàdi insém, par jutàr al bôtel a tacàr-'s a 'l fónd, méntar qvéli su 'l pèt i èṅ grandi acsè cuma la bóca e i òć ch'i s càt'n in dla part in élt dal cô.

Al culōr 'l è in gènar śmòrt e adàt a 'l mimetìśum ma a gh'è dal spéci trupicàli ch'i gh'aṅ di culōr più sfaciâ. Al dimensiòṅ i vànan da 'l cm dal Pandaka pygmaea ch'al viṿ in dal Filipìni a i trénta cm a 'l màsim.

Tut i bôtei i èṅ carnìvur e i màgnan dal bestiulìni cuma bēg, grustàsar, mulùsc e via dascurénd.

Dòp avēr fat o catâ na buśa in du lasàr i ōṿ, al masć al gh tîṅ adrē lò. In gènar la riprudusiòṅ la gh pōl ès'r-ag par più vòlti in 'n an ma a gh'è dal spéci (cuma 'l Knipowitschia panizzae e 'l Ninnigobius canestrinii preśènt anc in Itàglia) ch'i mōran subìt dòp.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Bôtel
Wikimedia Commons contiene file multimediali su Bôtel