Avignòṅ

C'l artìcul chè 'l è scrit in Miranduléś

Avignòṅ (in francéś Avignon, aviɲɔ̃) l'è na sità francéśa ad nuànta-dumìla abitànt a 'l incìrca ch'la s cata in dal dipartimènt dla Vaucluse in dla regiòṅ dla Provence-Alpes-Côte d'Azur. L'è divìśa in quàtar cantòṅ par na superfìsi ad 64,78 km² in tut. Su la sò riva sinìstra a gh pasa 'l fiùm Ródan.

L'è na sità turìstica par via di sò munumènt (al Palàs di papa 'l è 'n patrimòni mundiàł dl'umanità par 'l UNESCO) e p'r al Fèstival 'd Avignòṅ in dua da 'l 1948 atōr ad teàtar, balarèṅ e cantànt i vìn'n a far di spetàcui chè.

Durànt al perìud dla Catività avignunéśa, da 'l 1309 a 'l 1377, la sità l'è dvintàda la sēd dal papa, tacànd da Clemènt V par finìr cun Gregòri XI, cuntànd pò anc i anti-papa vgnû dòp, Clemènt VII e Banadét XIII.

La sò sìndiga, da 'l 2020, l'è la sucialìsta Cécile Helle.

Persunàǵ famóś ligâ a Avignòṅ

Giuliano Alesi, pilòta 'd màchini
Jérémie Azou, canutēr, mdaja 'd òr a gl'ulimpìadi dal 2016
Mireille Mathieu, cantànta
Benoît Paire, tenìsta
Mazarine Pingeot, scritōra

Culegamènt estéran

Àtar prugèt

Wikimedia Commons contiene file multimediali su Avignòṅ