Auto Focus
|
C'l artìcul chè 'l è scrit in
Miranduléś |
 Auto Focus | ||
 Willem Dafoe e Greg Kinnear in na figùra dal film | ||
| Àuto Fócus 2002 | ||
|---|---|---|
| Regìa: Paul Schrader | ||
| Scritōr: Robert Graysmith • Michael Gerbosi | ||
| Atōr: Greg Kinnear • Willem Dafoe • Rita Wilson Maria Bello • Ron Leibman • Bruce Solomon Michael E. Rodgers • Kurt Fuller • Lyle Kanouse | ||
| Müsica: Angelo Badalamenti | ||
| Léngua: Ingléś • Tedésc | ||
| Dürä dal film: 105 minüt | ||
| Nasiōṅ: Stat Unî | ||
Auto Focus (Àuto Fócus) 'l è 'n drama biugràfic americàṅ dal 2002 ad Paul Schrader ch'al cònta i ùlt'm an ad vita d'l atōr Bob Crane, prutagunìsta dla sitcom dla CBS Gli eroi di Hogan.
Custàda sèt migliòṅ ad dòlar, la pelìcula la 'n à pò fat sù sōl dū e sèt.
Sunt
[mudéfica la surzéia]Spuśâ da piò ad déś an cun lʼAnne (Rita Wilson) e cun tri fiōi da crésar, la vita dal DJ radiufònig e baterìsta Bob Crane (Greg Kinnear) la càmbia quànd al sò agìnt Larry (Ron Leibman) al gh fà avēr na prupòsta p'r un cupiòṅ dna série televiśìva che la CBS la vōl giràr cun lò prutagunìsta, Gli eroi di Hogan, ambintâ in un camp par parśunēr ad guèra in Germàgna.
Al prugràma, cun Werner Klemperer (Kurt Fuller) e la Sigrid Valdis (Maria Bello) in dal cast, 'l è 'n sucès e Crane al dvènta famóś in tut al paéś. Chi lò al taca a 'ndàr fóra 'd nòt c'n al sò amìg John Henry Carpenter (Willem Dafoe), un tècnig dla Sony respunsàbil di in di Stat Unî dla véndida 'd telecàmeri e registradōr vìddeo, prudót vgnû fóra da pôc. I dū óm i tàc'n a invidàr a cà dal dunàsi par far sès tut insém e par tiràr śò incòsa faghénd dal fóto e dal filmìni pòran fra 'd lōr.
Dòp siē stagiòṅ e sènt-a-ssant'òt puntàdi, al telefìlm al finìs e i rōi da atōr i finìsan e Crane 'l è custrét a dar-'s a 'l cabaret in di risturànt, adès ch'al s è anc divursiâ da sò mujēr, ch'la n s cumpatìva piò la sò dipendénsa p'r al pòran, e 'l gh'à dó famìji da mantgnìr, dòp ès'r-as spuśâ cun la Valdis.
La Disney la gh fà far un film che però 'l è 'n flop. Pîṅ 'd dèbit, Crane al vîṅ catâ mòrt masâ in dal 1978, in dal sò lèt e c'n al sò crani śbragâ.