Audrey Hepburn
|
C'l artìcul chè 'l è scrit in
Miranduléś |
LʼAudrey Kathleen Ruston, cgnusùda méj cuma Audrey Hepburn (Ixelles, 4 ad Maǵ dal 1929 - Tolochenaz, 20 ad Śnar dal 1993, a s lèś [ˈɔːdɹi ˈhɛpˌbɜːn] in ingléś), l'è stada n'atōra britànica nada in dal Bélgi e mòrta in Śvisra.
In dal còrs dla sò caréra l'à laurâ cun soquànt di regìsta più impurtànt dal sò tèmp cuma Billy Wilder, George Cukor e Blake Edwards e cun di atōr fra i più brâṿ cuma Gregory Peck, Humphrey Bogart, Gary Cooper, Cary Grant, Rex Harrison, William Holden, Peter O'Toole e Sean Connery, sèmpar tirànd fóra la sò clas e elegànsa.
L'à catâ 'l sucès mundiàł in di prim an Sinquànta, prima a teàtar e pò a 'l cìnema faghénd la part dla prinsipésa Anna in dal film Vacanze romane (1953) ch'al gh'à frutâ 'n Prèmi Òscar. Fra 'l sò atri pelìculi famóśi a 'rcurdém Sabrina (1954), Guerra e pace (1956), Cenerentola a Parigi (1957), Verdi dimore, La storia di una monaca (1959), Colazione da Tiffany (1961), Sciarada (1963), My Fair Lady (1964), Come rubare un milione di dollari e vivere felici (1966), Gli occhi della notte (1967) e Due per la strada (1967).
Da la fiṅ di an Ssanta l'à tgnû adrē a la sò famìja, mulànd in na quàlc manéra al sò lavōr. In dal 1988 l'è dvintàda ambasadōra d'l UNICEF e pò sustenidōra ad soquànt prugèt umanitàri.
La Hepburn l'è una di daśnóṿ indivìduv a 'vēr vins tut i prèmi più impurtànt in d'l art, in di camp dla televiśiòṅ, mùśica, cìnema e teàtar: dū Academy Award (ólt'r a quàtar candidadùri), tri Golden Globe, quàtar BAFTA Award, dū Tony Award, 'n Emmy Award e 'n Grammy Award.
'L American Film Institute al l'à misa a 'l tèrs pòst dla lista dal più impurtànti star dla stòria dal cìnema. La gh'à anc na stéla in dla Hollywood Walk of Fame.
Filmugrafìa
[mudéfica la surzéia]
- 1948 - Nederlands in zeven lessen, regìa ad Charles Huguenot e 'dvan der LindenHeinz Josephson – ducumentàri
- 1951 - One Wild Oat, regìa ad Charles Saunders
- 1951 - Racconti di giovani mogli (Young Wives' Tale), regìa 'd Henry Cass
- 1951 - Risate in paradiso (Laughter in Paradise), regìa ad Mario Zampi
- 1951 - L'incredibile avventura di Mr. Holland (The Lavender Hill Mob), regìa ad Charles Crichton
- 1951 - Vacanze a Montecarlo (Monte Carlo Baby), regìa ad Jean Boyer e 'd Lester Fuller
- 1952 - Nous irons à Monte Carlo, regìa ad Jean Boyer
- 1952 - The Secret People, regìa ad Thorold Dickinson
- 1953 - Vacanze romane (Roman Holiday), regìa ad William Wyler
- 1954 - Sabrina, regìa ad Billy Wilder
- 1956 - Guerra e pace (War and Peace), regìa ad King Vidor
- 1957 - Mayerling (Producers' Showcase), regìa 'd Anatole Litvak – film TV
- 1957 - Cenerentola a Parigi (Funny Face), regìa ad Stanley Donen
- 1957 - Arianna (Love in the Afternoon), regìa ad Billy Wilder
- 1959 - Verdi dimore (Green Mansions), regìa ad Mel Ferrer
- 1959 - La storia di una monaca (The Nun's Story), regìa ad Fred Zinnemann
- 1960 - Gli inesorabili (The Unforgiven), regìa ad John Huston
- 1961 - Colazione da Tiffany (Breakfast at Tiffany's), regìa ad Blake Edwards
- 1961 - Quelle due (The Children's Hour), regìa ad William Wyler
- 1963 - Sciarada (Charade), regìa ad Stanley Donen
- 1964 - Insieme a Parigi (Paris - When It Sizzles), regìa ad Richard Quine
- 1964 - My Fair Lady, regìa ad George Cukor
- 1966 - Come rubare un milione di dollari e vivere felici (How To Steal a Million), regìa ad William Wyler
- 1967 - Due per la strada (Two for the Road), regìa ad Stanley Donen
- 1967 - Gli occhi della notte (Wait Until Dark), regìa ad Terence Young
- 1976 - Robin e Marian (Robin and Marian), regìa ad Richard Lester
- 1979 - Linea di sangue (Bloodline), regìa ad Terence Young
- 1981 - ...e tutti risero (They All Laughed), regìa ad Peter Bogdanovich
- 1987 - Amore tra ladri (Love Among Thieves), regìa ad Roger Young – film TV
- 1989 - Always - Per sempre (Always), regìa ad Steven Spielberg
Televiśiòṅ
[mudéfica la surzéia]- 1952 - CBS Television Workshop
- 1993 - Gardens of the World with Audrey Hepburn
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Audrey Hepburn
Wikimedia Commons contiene file multimediali su Audrey Hepburn
