Vai al contenuto

Ashton Kutcher

Da Wikipedia.

C'l artìcul chè 'l è scrit in Miranduléś Emiliàn

Ashton Kutcher tòlt śò in dal 2008


Christopher Ashton Kutcher (Cedar Rapids, 7 ad Favràr dal 1978, a s lèś [ˈæʃtən ˈkʊtʃɚ] in ingléś) 'l è 'n atōr, mudèl, prudutōr e cundutōr televiśìṿ americàṅ.

Uriginàri d'l Iowa, Kutcher da śōvan 'l à tacâ a lauràr in dal camp dla mòda e faghénd dal reclàm. In dal 1998 'l à fat al sò debùt da atōr tulénd part a la sitcom That '70s Show, ch'l à cuntinuâ a far par 183 puntàdi, e pò 'l an dòp anc a 'l cìnema cun la cumèdia Coming Soon cun la Mia Farrow. In séguit 'l è stâ prutagunìsta dla pelìcula 'd cretinìśia Fatti, strafatti e strafighe (2000), dla cumèdia Oggi sposi... niente sesso (2003), ch'la gh'à frutâ na nomination a i Razzie Awards, e dal thriller The Butterfly Effect (2004), in dla part 'd un studènt universitàri bòṅ ad viaśàr a 'l indrē in dal tèmp.

In dal 2005 'l à girâ la cumèdia rumàntica Indovina chi, in còpia cun la Bernie Mac, méntar 'l an dòp 'l à tòlt part a 'l drama Bobby, preśentâ a 'l 63śum Fèstival ad Venèsia. Àtar sò film impurtànt i èṅ stâ la cumèdia Notte brava a Las Vegas (2008), giràda in còpia cun la Cameron Diaz, Toy Boy - Un ragazzo in vendita (2009), a fiànc dl'Anne Heche, Amici, amanti e... (2011), in dua 'l à incruśâ la Natalie Portman e Kevin Kline, e Jobs (2013), film biugràfic in du 'l à fat la part ad Steve Jobs.

In televiśiòṅ a 'l ém vist in dal série Due uomini e mezzo, The Ranch e The Beauty.

Dòp na relasiòṅ cun la Brittany Murphy e la Demi Moore, da 'l 2012 'l è ligâ a l'atōra Mila Kunis ch'l à spuśâ in dal luj dal 2015. Insém i gh'aṅ dū fiōi.

Filmugrafìa

Fat, strafàt e strafìghi (2000)
Próa a dir chi (2005)
Nòt sénsa critèri a Las Vegas (2009)

Culegamènt estéran

Àtar prugèt