Articiòc

C'l artìcul chè 'l è scrit in Miranduléś

'L articiòc (Cynara cardunculus scolymus) l'è na piànta dla famìja di Asteraceae e dal gènar Cynara, cultivàda in Itàglia e in di àtar paéś dl'Európa meridiunàla p'r èsar magnâ o anc druâ in madśìna (al juta a far pisàr).

La paròla emigliàna druàda par cla vardùra chè la sumìlia dimóndi a 'l francéś artichaut, a 'l ingléś artichoke e a 'l tedésc artischocke méntar 'l itagliàṅ carciofo al riva diretamènt da 'l àrab خرشوف‎ (ḵuršūf).

'L ariciòc al viṿ tut 'l an e 'l pōl rivàr a ès'r élt un mèt'r e mèś. La part dla piànta ch'a s magna 'l è 'l fiōr minga madûr, quànd al fiurìs 'l è 'd culōr celèst o lila.