Another Country - La scelta
|
C'l artìcul chè 'l è scrit in
Miranduléś |
 Another Country | ||
| Another Country - La scelta | ||
 Rupert Everett e Colin Firth in na figùra dal film | ||
| ʼN àtar paéś - La sarnìda 1984 | ||
|---|---|---|
| Regìa: Marek Kanievska | ||
| Scritōr: Julian Mitchell | ||
| Atōr: Rupert Everett • Colin Firth • Michael Jenn Robert Addie • Rupert Wainwright • Cary Elwes Tristan Oliver • Guy Henry • Jeffry Wickham Frederick Alexander • Adrian Ross Magenty | ||
| Müsica: Michael Storey | ||
| Léngua: Ingléś | ||
| Dürä dal film: 90 minüt | ||
| Nasiōṅ: Régn Unî | ||
Another Country - La scelta (ʼN àtar paéś - La sarnìda) 'l è 'n film dramàtic britànic dal 1984 ad Marek Kanievska, ispirâ a la vita 'd Guy Burgess, spia britànic a 'l servìsi dl'Ugnòṅ Suviètica.
La pelìcula, preśentàda a 'l 37śum Fèstival ad Cannes, l'è stada giràda c'n un budget 'd un migliòṅ e siē ad sterlìni.
Sunt
[mudéfica la surzéia]Durànt i an Trénta, Guy Bennett (Rupert Everett) 'l è 'n ragàs gay piutòst sfaciâ e arvèrs ch'al stùddia in un culéǵ britànig p'r i fiōi dla burgheśìa élta. Da grand al vrév dvintàr ambasadōr a Parì e 'l è dimóndi amìg ad Tommy Judd (Colin Firth), un śōvan cun di idéi marxìsti. Fra Guy e James Harcourt (Cary Elwes), sò cumpàgn ad studi, a taca na relasiòṅ in segrét parchè 'l è 'n quèl pruibî anc s'in c'l ambînt lè piutòst difûś.
Un dè un studènt ciamâ Martineau (Phillip Dupuy) al vîṅ bcâ da 'n insgnànt far-as na pugnéta c'n un sò amìg e par la vargóggna e 'l spauràs 'd èsar casâ via al s tōś la vita impicànd-as. La scóla la próa a quaciàr al scàndal ma 'l studènt capitàṅ Fowler (Tristan Oliver), cun l'usesiòṅ par 'l eśèrcit, al ciàpa a 'l vōl 'l ucaśiòṅ par dar cónt'r a Bennett ch'al prév dvintàr un "Dio" sò para, un tìtul impurtànt a 'l intèran dl'istitusiòṅ dal culéǵ.