Anne Bancroft
|
C'l artìcul chè 'l è scrit in
Miranduléś |
LʼAnna Maria Louisa Italiano, cgnusùda méj cuma Anne Bancroft (New York, 17 ad Setémbar dal 1931 - New York, 6 ad Śugn dal 2005, a s lèś [əˈæn ˈbæŋkrɒft] in ingléś), l'è stada n'atōra americàna cun di urìgini itagliàni che lē l'à vlû selebràr girànd da regìsta la pelìcula Pastasciutta... amore mio! (1980), cun l'Estelle Reiner. La gh'à na stéla in dla Hollywood Walk of Fame.
In dla sò caréra l'è stada candidàda par sinc vòlti a i Prèmi Òscar vinsénd in dal 1963 a 'l prim cōlp p'r al film biugàfic Anna dei miracoli, in dua la fava la part dn'insgnànta òrba. La Bancroft l'iva bèla purtâ cal drama chè anc a Broadway in dal 1960.
I àtar sò lavōr candidâ a i Academy Award i èṅ stâ al dramàtic Frenesia del piacere (1964), ch'al gh'à fat vìns'r un prèmi a 'l 17śum Fèstival ad Cannes e anc un Golden Globe, la cumèdia sentimentàla Il laureato (1967), a fiànc ad Dustin Hoffman in un rōl da milf ante litteram ch'al gh'à purtâ 'n àtar Golden Globe, Due vite, una svolta (1977), in di pagn dna balarìna in cumpetisiòṅ cun la sò amìga Shirley MacLaine, e 'l śal cun la Jane Fonda Agnese di Dio (1985), cun lē in dal rōl dna sōra.
Fra i sò àtar lavōr più famóś a 'l cìnema a 'rcurdém al biugràfic The Elephant Man (1980), cun John Hurt e Anthony Hopkins, Cercando la Garbo (1984), in du l'à fat na part dna malàda 'd càncar ch'la vliva cgnósar la sò atōra dal cōr Greta Garbo, al drama Una finestra nella notte (1986), girâ insém a la Sissy Spacek, al thriller cun la Nicole Kidman Malice - Il sospetto (1993), al film 'd asiòṅ Soldato Jane (1997), cun la Demi Moore, e la cumèdia Heartbreakers - Vizio di famiglia (2001), pelìcula cun la Sigourney Weaver e Gene Hackman.
La gh'à abû l'ucaśiòṅ 'd ardupiàr la regìna dal furmìghi in Z la formica (1988) dòp avēr bèla fat cal lavōr chè anc in 'n epiśòdi ad The Simpsons. In televiśiòṅ l'à laurâ cun Franco Zeffirelli in dla série Gesù di Nazareth in dua l'à interpretâ la part dla Maria Maddalena.
La s è spuśàda dó vòlti, la prima in dal 1953 cun Martin May, la secónda in dal 1964 c'n al regìsta e còmig Mel Brooks, pàd'r ad sò fiōl Max. L'è mòrta a stanta-tri an p'r un càncar.
Filmugrafìa
.jpg)
- 1952 - La tua bocca brucia (Don't Bother to Knock), regìa ad Roy Ward Baker
- 1953 - Parata di splendore (Tonight We Sing), regìa ad Mitchell Leisen
- 1953 - Il tesoro dei condor (Treasure of the Golden Condor), regìa ad Delmer Daves
- 1953 - La mascotte (The Kid from Left Field), regìa 'd Harmon Jones
- 1954 - Gorilla in fuga (Gorilla at Large), regìa 'd Harmon Jones
- 1954 - I gladiatori (Demetrius and the Gladiators), regìa ad Delmer Daves
- 1954 - La spia dei ribelli (The Raid), regìa 'd Hugo Fregonese
- 1955 - Anonima delitti (New York Confidential), regìa ad Russell Rouse
- 1955 - A Life in the Balance, regìa 'd Harry Horner e 'd Rafael Portillo
- 1955 - Brooklyn chiama polizia (The Naked Street), regìa ad Maxwell Shane
- 1955 - L'ultima frontiera (The Last Frontier), regìa 'd Anthony Mann
- 1956 - La terra degli Apaches (Walk the Proud Land), regìa ad Jesse Hibbs
- 1957 - L'alibi sotto la neve (Nightfall), regìa ad Jacques Tourneur
- 1957 - Stirpe maledetta (The Restless Breed), regìa 'd Allan Dwan
- 1957 - F.B.I. squadra omicidi (The Girl in Black Stockings), regìa 'd Howard W. Koch
- 1962 - Anna dei miracoli (The Miracle Worker), regìa 'd Arthur Penn
- 1964 - Frenesia del piacere (The Pumpkin Eater), regìa ad Jack Clayton
- 1965 - La vita corre sul filo (The Slender Thread), regìa ad Sydney Pollack
- 1966 - Missione in Manciuria (7 Women), regìa ad John Ford
- 1967 - Il laureato (The Graduate), regìa ad Mike Nichols
- 1972 - Gli anni dell'avventura (Young Winston), regìa ad Richard Attenborough
- 1974 - Mezzogiorno e mezzo di fuoco (Blazing Saddles), regìa ad Mel Brooks
- 1975 - Prigioniero della seconda strada (The Prisoner of Second Avenue), regìa ad Melvin Frank
- 1975 - Hindenburg (The Hindenburg), regìa ad Robert Wise
- 1976 - Stupro (Lipstick), regìa ad Lamont Johnson
- 1976 - L'ultima follia di Mel Brooks (Silent Movie), regìa ad Mel Brooks
- 1977 - Due vite, una svolta (The Turning Point), regìa 'd Herbert Ross
- 1980 - Pastasciutta... amore mio! (Fatso), regìa dl'Anne Bancroft
- 1980 - The Elephant Man, regìa ad David Lynch
- 1983 - Essere o non essere (To Be or Not to Be), regìa ad Alan Johnson
- 1984 - Cercando la Garbo (Garbo Talks), regìa ad Sidney Lumet
- 1985 - Agnese di Dio (Agnes of God), regìa ad Norman Jewison
- 1986 - Una finestra nella notte ('night, Mother), regìa ad Tom Moore
- 1987 - 84 Charing Cross Road, regìa ad David Hugh Jones
- 1988 - Amici, complici, amanti (Torch Song Trilogy), regìa ad Paul Bogart
- 1989 - Bert Rigby, You're a Fool, regìa ad Carl Reiner
- 1992 - Mi gioco la moglie... a Las Vegas (Honeymoon in Vegas), regìa 'd Andrew Bergman
- 1992 - Pozione d'amore (Love Potion No. 9), regìa ad Dale Launer
- 1993 - Nome in codice: Nina (Point of No Return), regìa ad John Badham
- 1993 - Malice - Il sospetto (Malice), regìa 'd Harold Becker
- 1993 - Mr. Jones, regìa ad Mike Figgis
- 1995 - Gli anni dei ricordi (How to Make an American Quilt), regìa ad Jocelyn Moorehouse
- 1995 - A casa per le vacanze (Home for the Holidays), regìa dla Jodie Foster
- 1995 - Dracula morto e contento (Dracula: Dead and Loving It), regìa ad Mel Brooks
- 1996 - Verso il sole (The Sunchaser), regìa ad Michael Cimino
- 1996 - Finalmente a casa (Homecoming), regìa ad Mark Jean – Film TV
- 1997 - Soldato Jane (G.I. Jane), regìa ad Ridley Scott
- 1997 - Se mi amate... (Critical Care), regìa ad Sidney Lumet
- 1998 - Paradiso perduto (Great Expectations), regìa 'd Alfonso Cuarón
- 1999 - In fondo al mio cuore (Deep in My Heart), regìa dl'Anita W. Addison – Film TV
- 2000 - Tentazioni d'amore (Keeping the Faiht), regìa 'd Edward Norton
- 2000 - Una notte per decidere (Up at the Villa), regìa ad Philip Haas
- 2001 - Heartbreakers - Vizio di famiglia (Heartbreakers), regìa ad David Mirkin
- 2003 - La primavera romana della signora Stone (The Roman Spring of Mrs. Stone), regìa 'd Robert Allan Ackerman – Film TV
Culegamènt estéran
Àtar prugèt
Wikiquote contiene citazioni di o su Anne Bancroft
Wikimedia Commons contiene file multimediali su Anne Bancroft
