Anna Identici

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La figurìna dl'Anna in d'l àlbum di cantànt dla Panini dal 1969


«
Quando saremo a Reggio Emilia il mio moroso sarà in piazza, bella mia sei arrivata, dimmi un po' come la và.»
(IT)(Quando Saremo a Reggio Emilia, 1974)
«
Quànd a sarém a Réś al mè muróś al sarà in piàsa, la mè bèla at sē rivàda, dì-'m un pôc cum la và.»
(MUD)


L’Anna Identici (Castigliòṅ, 30 ad Luj dal 1947) l'è na cantànta itagliàna.

Biugrafìa

La Identici tòlta śò in dal '73

Fiōla 'd un feruvér, la Identici fiṅ da pìcula la s divertìs a cantàr in soquànt spetàcui pruvinciài fra la Lumbardìa e l'Emìglia. Dòp la sò partecipasiòṅ a 'l Fèstival al Castrucâr dal 1964, al preśentadōr Mike Bongiorno al la sarnìs par far la valéta in dal sò prugràma La fiera dei sogni.

'L an dòp la vins al Fèstival ad Śurîg c'n al braṅ Un bene grande così, pò la tōś part a 'l Fèstival ad Sanremo c'n un pès scrit par lē da Bruno Lauzi, Una rosa da Vienna.

Sèmp'r in dla sità di fiōr la Identici la preśénta in dal 1968 qvéla ch'la dvintarà la sò canta più famóśa, Quando m'innamoro. Anc Bob Dylan e i Grateful Dead i faràṅ na versiòṅ da 'l viṿ ad cal pès chè durànt i sò cuncèrt insém dal 1989.

In dal 1969 la próa a masàr-as ma al la scampa, in tut al manéri la càmbia al sò stîl, pasànd da èsar na ragàsa àqua e savòṅ a far la cantànta imgnàda, laurànd anc c'n Umberto Bindi.

Culegamènt estéran