Angie Dickinson

C'l artìcul chè 'l è scrit in Miranduléś

LʼAngeline Brown, cgnusùda méj cuma Angie Dickinson (Kulm, 30 ad Setémbar dal 1931, a s lèś [ˈændʒi dɪkɪnsən] in ingléś), l'è n'atōra americàna, cun na stéla in dla Hollywood Walk of Fame.

L'è cgnusùda specialmènt par la part dla pulisiòta Suzanne Anderson, dita „Pepper“, in dal telefìlm pulisiésc Pepper Anderson - Agente speciale, andâ in ónda da 'l 1974 a 'l 1978 su 'l canàł televiśìṿ NBC.

Biugrafìa

Uriginària dal Dakòta dal Nòrd, a ùnd'ś an la spatìna cun la sò famìja in Califòrgna in dua la ciàpa 'l diplòma quàt'r an dòp e pò anc na làurea in ecunumìa. In cal méntar la fà la segretària in 'n aeropòrt e la riva secónda in un cuncōrs ad belésa, prima 'd decìd'r ad tacàr na caréra da atōra druànd al cugnóm dal sò prim marè, al śugadōr ad futból americàṅ Gene Dickinson. La Angie la tōś acsè part a dimóndi spetàcui par la NBC, anc insém a Frank Sinatra ch'al dvintarà sò amìg.

Fra i an Sinquànta e i an Ssanta la rècita in dimóndi telefìlm, cuma Perry Mason, Carovane verso il West, Scacco matto, L'ora di Hitchcock, Il dottor Kildare e Il virginiano, e la taca anc a lauràr cun sucès a 'l cìnema. In dla cumèdia Un pizzico di fortuna (1954) la gh'à na part cica a fiànc dla Doris Day e 'd Robert Cummings pò però la cata di rōi più impurtànt in Il vendicatore dell'Arizona (1956), in dal drama 'd guèra La porta della Cina (1957) e in dal thriller Lama alla gola (1958) 'd Andrew L. Stone, cun prutagunìsta James Mason.

In tut al manéri la Dickinson l'à sèmpar parâ via da lē la figùra dla biónda platinàda, minciòna e siuchìna, ch'l'andàva fòrt in chi an lè a la manéra dla Marilyn Monroe, dla Jayne Mansfield e dla Mamie Van Doren. Al sò gambi, asicuràdi p'r un migliòṅ ad dòlar in alóra, i gh'aṅ purtâ 'l scutmàj 'd “Al gambi più bèli 'd Amèrica”.

Fra i sò àtar film più impurtànt ad chi an lè a 'rcurdém al western Un dollaro d'onore, girâ in dal 1959 insém a John Wayne, la cumèdia Colpo grosso (1960), al drama Desiderio nel sole (1961), cun Peter Finch e Roger Moore, la cumèdia Jessica (1962) giràda dagnóra tuta in Sicìglia insém a la Sylva Koscina, Capitan Newman (1963), a fiànc ad Gregory Peck, Tony Curtis e Robert Duvall, al thriller Contratto per uccidere (1964), ùltim film ad Ronald Reagan, La caccia (1966), filmòṅ cun Marlon Brando, Robert Redford e la Jane Fonda, e 'l noir Senza un attimo di tregua (1967), cun Lee Marvin.

In di an Stanta a l'ém vista in dal pulisiésc ...E dopo le uccido (1971), cun Rock Hudson e Telly Savalas, in dal film 'd asiòṅ Funerale a Los Angeles (1972), insém a Jean-Louis Trintignant e a Roy Scheider e in dal drama Labirinto (1979), a fiànc ad Lino Ventura.

In dal 1980 Brian De Palma al la sarnìs par la part dla ninfòmana Kate Miller in dal thriller hitchcockiàṅ Vestito per uccidere ch'la gh fruta 'n Saturn Award. Fra i sò ùltim lavōr a 'rcurdém la cumèdia dramàtica Cowgirl - Il nuovo sesso (1993) ad Gus Van Sant, cun l'Uma Thurman, Keanu Reeves e John Hurt, la cumèdia Sabrina (1995), insém a Harrison Ford e a la Fanny Ardant, e la pelìcula 'd asiòṅ Ocean's Eleven - Fate il vostro gioco (2000), cun prutagunìsta George Clooney.

Filmugrafìa

1954 - Un pizzico di fortuna (Lucky Me), regìa ad Jack Donohue
1955 - La jungla dei temerari (Tennessee's Partner), regìa 'd Allan Dwan
1955 - La rosa gialla del Texas (The Return of Jack Slade), regìa 'd Harold D. Schuster
1955 - Sangue caldo (Man with the Gun), regìa ad Richard Wilson
1956 - L'imboscata selvaggia (Hidden Guns), regìa 'd Albert C. Gannaway
1956 - Web il coraggioso (Tension at Table Rock), regìa ad Charles Marquis Warren
1956 - Il vendicatore dell'Arizona (Gun the Man Down), regìa 'd Andrew V. McLaglen
1956 - La banda della frusta nera (The Black Whip), regìa ad Charles Marquis Warren
1957 - Il cerchio della vendetta (Shoot-Out at Medicine Bend), regìa ad Richard L. Bare
1957 - La porta della Cina (China Gate), regìa ad Samuel Fuller
1957 - Calypso Joe, regìa 'd Edward Dein
1958 - Mia moglie... che donna! (I Married a Woman), regìa 'd Hal Kanter
1958 - Lama alla gola (Cry Terror!), regìa 'd Andrew L. Stone
1959 - Un dollaro d'onore (Rio Bravo), regìa 'd Howard Hawks
1960 - I'll Give My Life, regìa ad William F. Claxton
1960 - Il letto di spine (The Bramble Bush), regìa ad Daniel Petrie
1960 - Colpo grosso (Ocean's Eleven), regìa ad Lewis Milestone
1961 - Febbre nel sangue (A Fever in the Blood), regìa ad Vincent Sherman
1961 - Desiderio nel sole (The Sins of Rachel Cade), regìa ad Gordon Douglas
1962 - Jessica, regìa ad Jean Negulesco e 'd Oreste Palella
1962 - Gli amanti devono imparare (Rome Adventure), regìa ad Delmer Daves
1963 - Capitan Newman (Captain Newman, M.D.), regìa ad David Miller
1964 - Contratto per uccidere (The Killers), regìa ad Don Siegel
1965 - L'arte di amare (The Art of Love), regìa ad Norman Jewison
1966 - La caccia (The Chase), regìa 'd Arthur Penn
1966 - Combattenti della notte (Cast a Giant Shadow), regìa ad Melville Shavelson
1966 - Il papavero è anche un fiore (Poppies Are Also Flowers), regìa ad Terence Young
1967 - Sfida oltre il fiume rosso (The Last Challenge), regìa ad Richard Thorpe
1967 - Senza un attimo di tregua (Point Blank), regìa ad John Boorman
1968 - A Case of Libel, regìa ad Charles Jarrott – Film TV
1969 - Sam Whiskey, regìa 'd Arnold Laven
1969 - Some Kind of a Nut, regìa ad Garson Kanin
1969 - Appuntamento per una vendetta (Young Billy Young), regìa ad Burt Kennedy
1970 - Amore e guerra (The Love War), regìa ad George McCowan – Film TV
1971 - Thief, regìa ad William A. Graham – Film TV
1971 - La farina del diavolo (See the Man Run), regìa ad Corey Allen – Film TV
1971 - ...E dopo le uccido (Pretty Maids All in a Row), regìa ad Roger Vadim
1971 - Settimo potere (The Resurrection of Zachary Wheeler), regìa ad Bob Wynn
1972 - Funerale a Los Angeles (Un homme est mort), regìa ad Jacques Deray
1973 - L'anello del mistero (The Norliss Tapes), regìa ad Dan Curtis – Film TV
1974 - Pray for the Wildcats, regìa ad Robert Michael Lewis – Film TV
1974 - F.B.I. e la banda degli angeli (Big Bad Mama), regìa ad Steve Carver
1977 - L'uomo senza speranza (A Sensitive, Passionate Man), regìa ad John Newland – Film TV
1978 - Ringo, regìa ad Jeff Margolis – Film TV
1978 - Fine di un sogno (Overboard), regìa ad John Newland – Film TV
1979 - Labirinto (L'Homme en colère), regìa ad Claude Pinoteau
1979 - Sola per sempre (The Suicide's Wife), regìa ad John Newland – Film TV
1980 - Jack London Story (Klondike Fever), regìa ad Peter Carter
1980 - Vestito per uccidere (Dressed to Kill), regìa ad Brian De Palma
1981 - Dial M for Murder, regìa ad Boris Sagal – Film TV
1981 - Charlie Chan e la maledizione della regina drago (Charlie Chan and the Curse of the Dragon Queen), regìa ad Clive Donner
1981 - Caccia selvaggia (Death Hunt), regìa ad Peter Hunt
1982 - Una scarpa per l'assassino (One Shoe Makes It Murder), regìa ad William Hale – Film TV
1984 - Gelosia (Jealousy), regìa ad Jeffrey Bloom – Film TV
1984 - A Touch of Scandal, regìa 'd Ivan Nagy – Film TV
1987 - Big Bad Mama II, regìa ad Jim Wynorski
1987 - Stillwatch, regìa ad Rod Holcomb – Film TV
1987 - Police Story - Assassini dell'autostrada (Police Story: The Freeway Killings), regìa ad William A. Graham – Film TV
1988 - Once Upon a Texas Train, regìa ad Burt Kennedy – Film TV
1989 - Il fuoco dopo la pioggia (Fire and Rain), regìa ad Jerry Jameson – Film TV
1989 - New York - Omicidio al distretto (Prime Target), regìa ad Robert L. Collins – Film TV
1991 - Kojak: Fatal Flaw, regìa ad Richard Compton – Film TV
1992 - Follia in alto mare (Treacherous Crossing), regìa ad Tony Wharmby – Film TV
1993 - Cowgirl - Il nuovo sesso (Even Cowgirls Get the Blues), regìa ad Gus Van Sant
1995 - Sabrina, regìa ad Sydney Pollack
1996 - Dolci ricordi (Remembrance), regìa dla Bethany Rooney – Film TV
1996 - Inganno diabolico (The Maddening), regìa ad Danny Huston
1996 - Il marchio della strega (The Sun, the Moon and the Stars), regìa dla Geraldine Creed
1997 - Segreti di famiglia (Deep Family Secrets), regìa 'd Arthur Allan Seidelman – Film TV
1997 - L'analista del padrino (The Don's Analyst), regìa ad David Jablin – Film TV
1999 - L'amore prima di tutto (Sealed with a Kiss), regìa ad Ron Lagomarsino – Film TV
2000 - The Last Producer, regìa ad Burt Reynolds
2000 - Duets, regìa ad Bruce Paltrow
2000 - Un sogno per domani (Pay It Forward), regìa dla Mimi Leder
2001 - Big Bad Love, regìa ad Arliss Howard
2001 - Ocean's Eleven - Fate il vostro gioco (Ocean's Eleven), regìa ad Steven Soderbergh
2001 - Scene Smoking: Cigarettes, Cinema & the Myth of Cool, regìa ad Terry Moloney
2004 - Se ti investo mi sposi? (Elvis Has Left the Building), regìa ad Joel Zwick
2006 - 3055 Jean Leon, regìa 'd Agustí Vila
2009 - Il momento di tornare (Mending Fences), regìa ad Stephen Bridgewater – Film TV

Culegamènt estéran

Àtar prugèt

Wikiquote contiene citazioni di o su Angie Dickinson
Wikimedia Commons contiene file multimediali su Angie Dickinson