Andy García

C'l artìcul chè 'l è scrit in Miranduléś

Andrés Arturo García Menéndez, cgnusû méj cuma Andy García (L'Avàna, 12 'd Avrìl dal 1956, a s lèś [ˈændi ɡɑɹˈsiə] in ingléś), 'l è 'n atōr, prudutōr e regìsta cubàṅ naturaliśâ americàṅ, candidâ a i Prèmi Òscar in dal 1991 par la part d'l anvōd 'd Al Pacino Vincent Corleone in Il padrino - Parte III ad Francis Ford Coppola. Al gh'à na stéla in dla Hollywood Walk of Fame.

Biugrafìa

Fiōl ad René García Núñez e dlʼAmelie Menéndez, dū emigrâ cubàṅ scapâ via da 'l sò paéś dòp la rivulusiòṅ cubàna di an Sinquànta, Andy al crés a Miami in dua da śōv'n al taca a śugàr a basket. Par via dn'epatît 'l è custrét a mulàr al spòrt e in dal 1979 al decìd 'd andàr a star a Los Angeles par tacàr na caréra da atōr. Dòp soquànti parti cichi in série televiśìvi cuma Hill Street giorno e notte, La signora in giallo e Alfred Hitchcock presenta, in dal 1986 al rècita in dal film 8 milioni di modi per morire faghénd un traficànt ad dròga ciamâ Angel Moldonado.

In dal 1987 al vîṅ sarnî da Brian De Palma par far-ag far la part dal pulisiòt italo-americàṅ George Stone in The Untouchables - Gli intoccabili e la sò caréra la ciàpa 'l vōl. Dū an dòp l'è la vòlta dal pulisiésc Black Rain - Pioggia sporca, in còpia cun Michael Douglas, mént'r in dal 1990 al gira prima 'l thriller Prova di forza, insém a l'Amy Irving, a Robert Duvall e a Kevin Spacey, e pò Il padrino - Parte III, film cun Al Pacino, la Diane Keaton, la Bridget Fonda e Raf Vallone ch'al gh fruta na nomination a i Academy Award.

In di an Nuànta al tōś part a soquànt thriller e pulisiésc cuma Affari sporchi (1990), cun Richard Gere, L'altro delitto (1991), cun prutagunìsta Kenneth Branagh e l'Emma Thompson, Gli occhi del delitto (1992), in dla part 'd un detective ch'al gh'à da far luś su na série ad masamènt ad dóni òrbi a Los Angeles, Cosa fare a Denver quando sei morto (1995), insém a Christopher Walken, e Soluzione estrema (1998) a fiànc ad Michael Keaton.

In di an Dumìla a 'l arcurdém p'r avēr fat la part dal delinquènt Terry Benedict in Ocean's Eleven - Fate il vostro gioco (2001), Ocean's Twelve (2004) e Ocean's Thirteen (2007). Sèmp'r in chi an lè 'l à girâ al thriller dramàtic The Unsaid - Sotto silenzio (2001), al drama sentimentàł L'ultimo gigolò (2001), al thriller Confidence - La truffa perfetta (2003), insém a Dustin Hoffman, al śal La tela dell'assassino (2004), a fiànc dl'Ashley Judd e 'd Samuel L. Jackson, al drama L'ultima porta - The Lazarus Child (2004), in còpia cun la Frances O'Connor, al film 'd asiòṅ Smokin' Aces (2006), cun Ryan Reynolds, Ray Liotta e Jeremy Piven, al dramàtic The Air I Breathe (2007), in dal rōl dal delinquènt Dida, e 'l còmig La Pantera Rosa 2 (2009) in di pagn ad Vincenzo Brancaleone.

Fra i sò ùltim lavōr a psém nutàr al fantàstic Ghostbusters (2016), la cumèdia muśicàla Mamma Mia! Ci risiamo (2018) e 'l thriller Il corriere - The Mule (2018) insém a Clint Eastwood, Bradley Cooper e Michael Peña.

García al gh'à quàtar fiōi abû da sò mujēr Maria Vittoria Lorido, spuśàda in dal 1982. 'L è da sèmp'r un sustenidōr dal partî republicàṅ americàṅ.

Filmugrafìa

cuma atōr

1983 - Blue skies again, regìa ad Richard Michaels
1983 - Guaguasi, regìa ad Jorge Ulla
1983 - Nudi in paradiso (A Night in Heaven), regìa ad John G. Avildsen
1984 - Anime gemelle (The Lonely Guy), regìa 'd Arthur Hiller
1985 - Maledetta estate (The Mean Season), regìa ad Philip Borsos
1986 - 8 milioni di modi per morire (8 Million Ways to Die), regìa 'd Hal Ashby
1987 - The Untouchables - Gli intoccabili (The Untouchables), regìa ad Brian De Palma
1988 - La contropartita (Clinton and Nadine, intitolato anche Blood Money), regìa ad Jerry Schatzberg – Film TV
1988 - La forza della volontà (Stand and Deliver), regìa ad Ramon Menéndez
1988 - American Roulette, regìa ad Maurice Hatton
1989 - Black Rain - Pioggia sporca (Black Rain), regìa ad Ridley Scott
1990 - Prova di forza (A Show of Force), regìa ad Bruno Barreto
1990 - Il padrino - Parte III (The Godfather: Part III) , regìa ad Francis Ford Coppola
1990 - Affari sporchi (Internal Affairs), regìa ad Mike Figgis
1991 - L'altro delitto (Dead Again), regìa ad Kenneth Branagh
1992 - Eroe per caso (Hero), regìa ad Stephen Frears
1992 - Gli occhi del delitto (Jennifer Eight), regìa ad Bruce Robinson
1994 - Amarsi (When a Man Loves a Woman), regìa ad Luis Mandoki
1995 - Cosa fare a Denver quando sei morto (Things to Do in Denver When You're Dead), regìa ad Gary Fleder
1995 - Il gemello scomodo (Steal Big Steal Little), regìa 'd Andrew Davis
1997 - Prove apparenti (Night Falls on Manhattan), regìa ad Sidney Lumet
1997 - The Disappearance of Garcia Lorca, regìa ad Marcos Zurinaga
1997 - Hoodlum, regìa ad Bill Duke
1998 - Soluzione estrema (Desperate Measures), regìa ad Barbet Schroeder
1999 - Biglietti... d'amore (Just the Ticket), regìa ad Richard Wenk
1999 - Ai confini della giustizia (Swing Vote), regìa ad David Anspaugh – Film TV
2000 - The Arturo Sandoval Story (For Love or Country: The Arturo Sandoval Story), regìa ad Joseph Sargent – Film TV
2000 - Lakeboat, regìa ad Joe Mantegna
2001 - Ocean's Eleven - Fate il vostro gioco (Ocean's Eleven), regìa ad Steven Soderbergh
2001 - The Unsaid - Sotto silenzio (The Unsaid), regìa ad Tom McLoughlin
2001 - L'ultimo gigolò (The Man from Elysian Fields), regìa ad George Hickenlooper
2003 - Just like Mona, regìa ad Joe Pantoliano
2003 - Confidence - La truffa perfetta (Confidence), regìa ad James Foley
2004 - I colori dell'anima (Modigliani), regìa ad Mick Davis
2004 - La tela dell'assassino (Twisted), regìa ad Philip Kaufman
2004 - Ocean's Twelve, regìa ad Steven Soderbergh
2005 - L'ultima porta - The Lazarus Child (The Lazarus Child), regìa ad Graham Theakstone
2005 - The Lost City, regìa 'd Andy Garcia
2006 - Smokin' Aces, regìa ad Joe Carnahan
2007 - Ocean's Thirteen, regìa ad Steven Soderbergh
2007 - The Air I Breathe, regìa ad Jieho Lee
2009 - New York, I Love You, regìa ad Wen Jiang
2009 - La Pantera Rosa 2 (The Pink Panther 2), regìa 'd Harald Zwart
2009 - City Island, regìa ad Raymond De Felitta
2009 - La linea (The Line), regìa ad James Cotten
2010 - Across the Line, regìa ad R. Ellis Frazier
2011 - Linea nemica - 5 Days of War (5 Days of War), regìa ad Renny Harlin
2012 - Cristiada (For Greater Glory: The True Story of Cristiada), regìa ad Dean Wright
2012 - Open Road, regìa ad Marcio Garcia
2012 - A Dark Truth - Un'oscura verità (A Dark Truth), regìa ad Damian Lee
2013 - Innamorarsi a Middleton (At Middleton), regìa 'd Adam Rodgers
2013 - Un Natale speciale, regìa ad John Kent Harrison
2014 - Rob the Mob, regìa ad Raymond De Felitta
2014 - Bastardi in divisa (Let's Be Cops), regìa ad Luke Greenfield
2014 - La regola del gioco (Kill the Messenger), regìa ad Michael Cuesta
2016 - Ghostbusters, regìa ad Paul Feig
2016 - Max Steel, regìa ad Stewart Hendler
2016 - Autobiografia di un finto assassino (True Memoirs of an International Assassin), regìa ad Jeff Wadlow
2016 - Passengers, regìa ad Morten Tyldum
2017 - Geostorm, regìa ad Dean Devlin
2018 - My Dinner with Hervé, regìa ad Sacha Gervasi – Film TV
2018 - Bent - Polizia criminale (Bent), regìa ad Bobby Moresco
2018 - Book Club - Tutto può succedere (Book Club), regìa ad Bill Holderman
2018 - Mamma Mia! Ci risiamo (Mamma Mia! Here We Go Again), regìa 'd Ol Parker
2018 - Il corriere - The Mule (The Mule), regìa ad Clint Eastwood
2019 - Against the Clock, regìa ad Mark Polish
2020 - Ana, regìa ad Charles McDougall
2020 - Quello che tu non vedi (Words on Bathroom Walls), regìa ad Thor Freudenthal
2021 - Redemption day, regìa 'd Hicham Hajji
2021 - Barb e Star vanno a Vista Del Mar (Barb & Star Go to Vista Del Mar), regìa ad Josh Greenbaum
2021 - La furia di un uomo - Wrath of Man (Wrath of Man), regìa ad Guy Ritchie
2022 - Il padre della sposa - Matrimonio a Miami (Father of the Bride), regìa ad Gary Alazraki
2023 - Book Club - Il capitolo successivo (Book Club: The Next Chapter), regìa ad Bill Holderman
2023 - I mercenari 4 - Expendables (Expend4bles), regìa ad Scott Waugh
2023 - Pain Hustlers - Il business del dolore (Pain Hustlers), regìa ad David Yates
2024 - Long Gone Heroes, regìa ad John Swab
2025 - Eenie Meanie, regìa ad Shawn Simmons – Film TV

cuma regìsta

1993 - Cachao... Como Su Ritmo No Hay Dos – Ducumentàri
2003 - ¡Ahora sí!
2003 - Nuestra Navidad 2003 – Film TV
2005 - The Lost City

Culegamènt estéran

Àtar prugèt

Wikimedia Commons contiene file multimediali su Andy García