Anamorph - I ritratti del serial killer
|
C'l artìcul chè 'l è scrit in
Miranduléś |
 Anamorph | ||
| Anamorph - I ritratti del serial killer | ||
 Dafoe e Speedman in na figùra dal film | ||
| Anamorph - I ritràt dal masadōr seriàł 2007 | ||
|---|---|---|
| Regìa: Henry Miller | ||
| Scritōr: Henry Miller • Tom Phelan | ||
| Atōr: Willem Dafoe • Scott Speedman Don Harvey • James Rebhorn • Clea DuVall Amy Carlson • Yul Vazquez • Peter Stormare Samantha MacIvor • Robert C. Kirk • Paul Lazar Paz de la Huerta • Debbie Harry • Mick Foley | ||
| Müsica: Reinhold Heil • Johnny Klimek | ||
| Léngua: Ingléś | ||
| Dürä dal film: 103 minüt | ||
| Nasiōṅ: Stat Unî | ||
Anamorph - I ritratti del serial killer (Anamorph - I ritràt dal masadōr seriàł) 'l è 'n thriller americàṅ dal 2007 'd Henry Miller ch'al 'l à scrit insém a Tom Phelan.
In dal film la Debbie Harry e Mick Foley i gh'aṅ dū camèo, la prima faghénd na vśina 'd cà 'd Willem Dafoe, al secónd un negusiànt 'd antiquariâ.
Sunt
Stan Aubray (Willem Dafoe) 'l è 'n detective dla pulisìa ad New York. A sinc an da i masamènt “artìstic” dal sasèṅ seriàł cgnusû cuma “Sîṅ Eddie”, in dua lò al n gh l'à minga cavàda a salvàr la putàna Crystal (Samantha MacIvor) pò fata andgàr da 'l serial killer, adès al gh'à da indagàr su 'n caś ch'al gh sumìlia dimóndi. A s trata dal cupamènt d'l agìnt ad cambi Jeff Sarno (Ashley Springer), catâ mòrt masâ a cûł in śò tgnû sù p'r un pē.
Quànd a mōr 'n àt'r óm, fat a pès par far na cumpuśisiòṅ che vista da 'n cantòṅ sōl l'arcòrda 'n córuv, e 'n èx culéga 'd Aubray, Jorge Ruiz (Yul Vazquez), masâ par druàr al sò sànguv p'r un dipìnt, Stan e c'l àt'r agìnt Carl (Scott Speedmann) i capìsan ch'i masamènt i èṅ ligâ in na quàlc manéra a la tècnica d'l anamurfìśum in dua i s védan di particulàr lugâ sōl cambiànd la pruspetìva.
Stan adès 'l è in pinsēr par na ragàsa èx puòsa amìga dla Crystal, la Sandy Strickland (Clea DuVall), parchè al créd 'd avēr capî ch'al sò garànt ch'al la scarusàva in na strutùra par diśintusicàr-as (Don Harvey) al prév ès'r al sasèṅ ch'al s è mis a druàr al modus operandi dal “Sîṅ Eddie”.