Amanda Seyfried

C'l artìcul chè 'l è scrit in Miranduléś

L’Amanda Michelle Seyfried (Allentown, 3 ad Dicémbar dal 1985, a s lèś [əˈmændə ˈsaɪfrɛd] in ingléś) l'è n'atōra americàna, candidàda a i Prèmi Òscar e a i Golden Globe dal 2021 par la pelìcula Mank, drama biugràfic cun Gary Oldman.

Uriginària dla Pennsylvania, lʼAmanda a ùnd'ś an la taca a far la mudèla par pò diplumàr-'s in dal 2003 a la Allentown's William Allen High School. La fà 'l sò debùt a 'l cìnema in dal 2004 faghénd la part dla Karen in dla cumèdia cult Mean Girls ch'la l'à fat cgnós'r a livèl internasiunàł. L'à pò catâ 'l sucès laurànd cun la Meryl Streep in dal musical Mamma Mia! (2008), pîna 'd canti dal grup śvedéś di ABBA.

Fra i sò àtar film più impurtànt a 'rcurdém la cumèdia 'd scarésa Jennifer's Body (2009), insém a la Megan Fox, la pelìcula eròtica cun la Julianne Moore e Liam Neeson Chloe - Tra seduzione e inganno, in dla part dna putàna, al drama sentimentàł Dear John (2010), in du l'è la muróśa 'd Channing Tatum, al drama muśicàł trat da 'n rumànś ad Victor Hugo Les Misérables (2012), in di pagn dla Cosette da granda a fiànc ad Hugh Jackman e 'd Russell Crowe, e 'l biugràfic Lovelace (2013) faghénd la part dl'atōra pòran Linda Lovelace.

A 'l inìsi dla sò caréra a l'ém vista in televiśiòṅ in dal soap operi Così gira il mondo (2000-2001) e La valle dei pini (2002-2003) e pò in dla série Veronica Mars p'r ùndas puntàdi (2004-2006). In séguit l'à recitâ anc in Law & Order - Unità vittime speciali, Dr. House - Medical Division, Big Love, CSI - Scena del crimine e Twin Peaks. In dal 2022 l'à interpretâ l'Elizabeth Holmes in dla minisérie televiśìva The Dropout ch'la gh'à frutâ 'n Emmy Award.

In dal film 'd animasiòṅ Scooby! dal 2020 l'à dâ la vōś a 'l persunàǵ dla Daphne Blake.

Prima 'd mét'r-as cun Thomas Sadoski, ch'al gh'à dâ dū fiōi, la gh'à abû dal stòri cun Dominic Cooper, Ryan Phillippe e Justin Long.

Filmugrafìa

2004 - Mean Girls, regìa ad Mark Waters
2004 - American Gun, regìa 'd Aric Avelino
2005 - 9 vite da donna (Nine Lives), regìa ad Rodrigo García
2006 - Alpha Dog, regìa ad Nick Cassavetes
2008 - Solstice, regìa ad Daniel Myrick
2008 - Mamma Mia!, regìa dla Phyllida Lloyd
2009 - Tradire è un'arte - Boogie Woogie (Boogie Woogie), regìa ad Duncan Ward
2009 - Jennifer's Body, regìa dla Karyn Kusama
2009 - Chloe - Tra seduzione e inganno (Chloe), regìa 'd Atom Egoyan
2010 - Dear John, regìa ad Lasse Hallström
2010 - Letters to Juliet, regìa ad Gary Winick
2011 - Cappuccetto rosso sangue (Red Riding Hood), regìa dla Catherine Hardwicke
2011 - In Time, regìa 'd Andrew Niccol
2012 - The End of Love, regìa ad Mark Webber
2012 - Gone, regìa ad Heitor Dhalia
2012 - Les Misérables, regìa ad Tom Hooper
2013 - Big Wedding (The Big Wedding), regìa ad Justin Zackham
2013 - Lovelace, regìa ad Rob Epstein e Jeffrey Friedman
2014 - Un milione di modi per morire nel West (A Million Ways to Die in the West), regìa ad Seth MacFarlane
2014 - Giovani si diventa (While We're Young), regìa ad Noah Baumbach
2015 - Ted 2, regìa ad Seth MacFarlane
2015 - Pan - Viaggio sull'isola che non c'è (Pan), regìa ad Joe Wright
2015 - Padri e figlie (Fathers and Daughters) regìa ad Gabriele Muccino
2016 - Natale all'improvviso (Love the Coopers), regìa ad Jessie Nelson
2017 - Adorabile nemica (The Last Word), regìa ad Mark Pellington
2017 - The Clapper, regìa ad Dito Montiel
2017 - First Reformed - La creazione a rischio (First Reformed), regìa ad Paul Schrader
2018 - Truffatori in erba (Gringo), regìa ad Nash Edgerton
2018 - Mamma Mia! Ci risiamo (Mamma Mia! Here We Go Again), regìa 'd Ol Parker
2018 - Anon, regìa 'd Andrew Niccol
2019 - Attraverso i miei occhi (The Art of Racing in the Rain), regìa ad Simon Curtis
2020 - Ve ne dovevate andare (You Should Have Left), regìa ad David Koepp
2020 - Mank, regìa ad David Fincher
2021 - L'apparenza delle cose (Things Heard & Seen), regìa dla Shari Springer Berman e 'd Robert Pulcini
2021 - A Mouthful of Air, regìa dl'Amy Koppelman
2023 - L'ultima danza di Salomè (Seven Veils), regìa 'd Atom Egoyan
2025 - The Testament of Ann Lee, regìa dla Mona Fastvold
2025 - Una di famiglia (The Housemaid), regìa ad Paul Feig

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Amanda Seyfried