Alesitimìa

Da Wikipedia.
Jump to navigation Jump to search
C'l artìcul chè 'l è scrit in Carpśàn Emiliàn

L'alesitimìa (alessitimia in itagliàṅ, da 'l grēc a-, "sàinsa", λέξις, lexis, "lèsic" e θυμός, timos, "emosiòun") l'è na caraterìstica ed na quelc personalitê 'd an savér briśa arcgnùser e dòunca gnanc ciacarèr a 'l riguèrd dagli emosiòun e di sentimèint ch'a s próva in dla vìta.

Secònd soquànt estudiōś la s'rèv na mancànsa ed śvilùp ed soquànti faci dla personalitê deśgnuda a chilōr da n'educasiòun dimòndi trascurèda in dla só infànsia. I gh'àn studiê in sìma i John Nemiah e Peter Sifneos ai inìsi di an Estànta e invintê la paròla "asitimìa" intànt ch'i gh'avìven da descrìver dal caraterìstichi dla personalitê ed soquànt pasìint psicosomàtic.
I alesitìmic i n'savrèven briśa:

  • sintìr e catèr el só pròpi emosiòun e sentimèint;
  • catèr e descrìver i sentimèint ed chièter;
  • pinsèr ai só pròpi avansamèint dagli emosiòun e di sentimèint, mo invéci i starèven sàimp'r a guardèr chièter.

I alesitìmic i farèven anc pôc insòni e pôc articolê, ch'i gh'avrèven poca fantaśìa. L'alesitimìa la pōl èser una dal caraterìstichi edl autìśem.

Vōś lighèdi

Noti e referèinsi

Èter progêt

Colegamèint estèren

  • (EN) La vóś in sìm'a 'l oxforddictionaries.com.