Aleksandra Panova

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


La Panova tòlta śò durànt al Roland Garros dal 2013


L’Aleksandra Aleksandrovna Panova (Mósca, 2 ad Mars dal 1989, Александра Александровна Панова in Rus) l'è na tenìsta rusa ch'l'è stada la nùmar stant'òṅ dal mónd al 30 ad Luj dal 2012. L'è élta 179 cm pśand 63 chilo.

In dla sò caréra l'è rivànda na vòlta in finàl in un turnèo WTA a Bugutà in dal 2012 pardénd cun la spagnōla Lara Arruabarrena Vecino par 2-6 5-7. In bisàca la gh'à sinc tìtui ITF.

La dróa al bras dèstar e la tira 'l arvèrs a dū maṅ.

Caréra

La rusa la taca a śugàr in dal sircùit ITF in dal 2003. In dal Maǵ dal 2005 la vins al sò prim tìtul a Kiev. In dal Luj dal 2008 la śōga al sò prim turnèo WTA a Stucólma ma la pèrd subìt a 'l prim tùran. Sèmp'r in dal 2008 la pasa 'l qualificasiòṅ a Taškent par pò andàr fóra in di utàṿ cun la Sabine Lisicki.

In dal 2009 la n pasa briśa 'l qualificasiòṅ a gl'Australian Open, a 'l Roland Garros e a gl'US Open, chè paténd un 6-3 3-6 4-6 da la Zuzana Kučová. A Cantón invéci la riva in di quàrt baténd la Yurika Sema 6-2 3-6 7-6 e l'Ol'ga Govorcova 7-5 6-4 par pò pigàr-as a la śugadōra ad cà Shuai Peng par 2-6 3-6. A Taškent la fà méj d'l an prima, mandànd a cà la Patricia Mayr-Achleitner 7-5 6-1 prima ad cédar a la Shahar Peer cun al puntéǵ ad 4-6 4-6. A Uśàka la cata subìt la nùmar quìndas dal mónd, la Samantha Stosur, pardénd-ag par 2-6 4-6. La sèra 'l an a 'l 142śum pòst.

Dòp un 2010 da daśmindgàr, la rusa la s qualìfica p'r i US Open ma pò la và a cà subìt cun la Marion Bartoli par 5-7 3-6. La fà méj la stmana dòp miténd-'s in bisàca al tìtul ITF da sinquànta-mila dòlar ad Saransk e pò incóra 'n àtar ITF baténd 4-6 6-1 6-2 l'Alexandra Cadanțu a Telavi.

In dal 2012 la bat l'Yvonne Meusburger e l'Anna Tatishvili in dal qualificasiòṅ ad Brisbane e pò la fà sudàr dimóndi la Kaia Kanepi prima ad cédar sèg par 5-7 6-3 2-6. In Favràr la riva in finàl a Bugutà mandànd a cà la Mandy Minella 4-6 7-6 6-1, la Gisela Dulko 7-5 6-2, la Karin Knapp 6-4 6-4 e la Tímea Babos 6-2 6-3. Al tìtul però al và a la Lara Arruabarrena Vecino cun al puntéǵ ad 6-2 7-5. A Indian Wells la pasa 'l qualificasiòṅ (pardénd pò da la Varvara Lepchenko par 6-7 2-6), a Miami nò invéci (3-6 6-7 da l'ingléśa Laura Robson). A Straśbûrg la riva in di quàrt baténd la Mona Barthel e la Lucie Hradecká, minga la Pauline Parmentier. A Baku e a Dallas la pèrd da la Bojana Jovanovski (in semifinàl e a 'l prim tùran). A gl'US Open la Viktoryja Azaranka la la sténd 6-0 6-1 e la rusa la finìs 'l an a 'l nuvantunéśum pòst.

In dal 2013 la pèrd a 'l secónd tùran cun la Sabine Lisicki a Pattaya City e in di quàrt a Cali cun la Paula Ormaechea. A Bugutà l'è l'itagliàna Flavia Pennetta a dar-ag la paga par 4-6 6-3 6-3 a 'l prim tùran, stés quèl in Śugn a Nurimbèrga in dua la gh'à la méj sèg la Galina Voskoboeva par 6-2 6-2. In Setémbar la fà suo dū tìtui ITF geurgiàṅ. Dòp a n ès'r-as minga qualificàda in dal turnèo WTA ad cà ad Mósca, la federasiòṅ dal sò paéś la la ciàma in Nuvémbar par śugàr la finàl ad Fed Cup a Cagliari cóntar l'Itâglia. In dal prim singulàr la fà sudàr dimóndi la Roberta Vinci purtànd-as 6-4 5-2 40-15 e servìsi ma pò la pèrd in tri sét butànd in dal rusc quàtar match-point.

Culegamènt estéran