Aldo Ray
|
C'l artìcul chè 'l è scrit in
Miranduléś |
Aldo Da Re, cgnusû méj cuma Aldo Ray (Pen Argyl, 25 ad Setémbar dal 1926 - Martinez, 27 ad Mars dal 1991), 'l è stâ 'n atōr americàṅ.
Atōr cun na recitasiòṅ istintìva e c'n un fìśic musculóś e da masć e na vōś ragaìda, in dla sò caréra 'l à tòlt part a ssanta e pasa film, faghénd da spés di persunàǵ fòrt, dûr e gréś ma ch'a sa gh psiva sōl vlēr-ag bèṅ. In di ùlt'm an 'l è stâ custrét a recitàr in film pìcui o faghénd dal parti da cumprimàri par via di sò prubléma finansiàri.
Biugrafìa
[mudéfica la surzéia]Nâ in Pennsylvania da na famìja cun di urìgini itagliàni, sò pàd'r al daśvgnìva da 'l Vènet, Aldo da 'l 1944 a 'l 1946 al cumbàt la batàja 'd Okinawa durànt la secónda guèra mundiàla cóntar 'l impēr giapunéś, faghénd part dla squàdra di sumuśadōr dla United States Navy. Finî al cunflìt al s iscrìv a l'Università ad Berkeley in Califòrgna.
In dal 1951 al dvènta 'l sierìf dla sitadìna 'd Crockett ma pò al decìd ad dar al dimisiòṅ par tacàr na caréra 'd atōr a Hollywood, firmànd pae la Columbia Pictures e tulénd part a dū cumèdi 'd George Cukor: Vivere insieme (1952), in còpia cun la Judy Holliday, e Lui e lei (1952), insém a Spencer Tracy e a la Katharine Hepburn, in du al fà 'n pùgil sunâ. Par cla part chè al vîṅ numinâ a i Golden Globe.
Durànt i an Sinquànta, Ray al cata 'n sèrt sucès faghénd al suldâ ardî ch'al n guàrda in fàcia a ninsòṅ in soquànti pelìculi 'd guèra cuma Prima dell'uragano (1955) ad Raoul Walsh, Uomini in guerra (1957) 'd Anthony Mann e Il nudo e il morto (1958), incóra 'd Walsh, trat da 'n rumànś famóś ad Norman Mailer.
Da nutàr anc di àtar film ad cal perìud lè cuma la cumèdia Non siamo angeli (1955) in dua lò al scapa via da na parśòṅ su l'Ìśula dal Diàvul insém a Humphrey Bogart e a Peter Ustinov e i drama Il piccolo campo (1958) cun Robert Ryan e la Tina Louise e Furto alla banca d'Inghilterra (1960) cun Peter O'Toole.
In dal 1982 'l à dâ la vōś a 'l persunàǵ di cartòṅ animâ Sullivan in Brisby e il segreto di Nimh. In televiśiòṅ 'l à laurâ, fra i àtar, a i telefìlm Il virginiano (1962 e 1966), Polvere di stelle (1964), Bonanza (1964 e 1972), Sulle strade della California (1974) e Falcon Crest (1985).
Aldo al s è spuśâ tri vòlti e al gh'à abû quàtar fiōi in tut, òṅ ch'l è dvintâ atōr anc lò, Eric DaRe. 'L è mòrt a ssanta-quàt'r an p'r un cànc'r a la góla.
Filugrafìa
[mudéfica la surzéia]
- 1951 - My True Story, regìa ad Mickey Rooney
- 1951 - Never Trust a Gambler, regìa ad Ralph Murphy
- 1951 - Saturday's Hero, regìa ad David Miller
- 1951 - L'avventuriero delle Ande (The Barefoot Mailman), regìa 'd Earl McEvoy
- 1952 - Vivere insieme (The Marrying Kind), regìa ad George Cukor
- 1952 - Lui e lei (Pat and Mike), regìa ad George Cukor
- 1953 - Ancora e sempre (Let's Do It Again), regìa 'd Alexander Hall
- 1953 - Pioggia (Miss Sadie Thompson), regìa ad Curtis Bernhardt
- 1955 - Non siamo angeli (We're no Angels), regìa ad Michael Curtiz
- 1955 - Prima dell'uragano (Battle Cry), regìa ad Raoul Walsh
- 1955 - Tre strisce al sole (Three Stripes in the Sun), regìa ad Richard Murphy
- 1957 - L'alibi sotto la neve (Nightfall), regìa ad Jacques Tourneur
- 1957 - Uomini in guerra (Men in War), regìa 'd Anthony Mann
- 1958 - Il nudo e il morto (The Naked and the Dead), regìa ad Raoul Walsh
- 1958 - Il piccolo campo (God's Little Acre), regìa 'd Anthony Mann
- 1959 - Gli evasi di Fort Denison (The Siege of Pinchgut), regìa 'd Harry Watt
- 1960 - Furto alla banca d'Inghilterra (The Day They Robbed the Bank of England), regìa ad John Guillermin
- 1961 - Johnny Nobody, regìa ad Nigel Patrick
- 1962 - I moschettieri del mare, regìa ad Massimo Patrizi e 'd Steno
- 1965 - La doppia vita di Sylvia West (Sylvia), regìa ad Gordon Douglas
- 1965 - Sfida sotto il sole (Nightmare in the Sun), regìa ad John Derek e Marc Lawrence)
- 1966 - Papà, ma che cosa hai fatto in guerra? (What Did You Do in the War, Daddy?), regìa ad Blake Edwards
- 1966 - Alle donne piace ladro (Dead Heat on a Merry-Go-Round), regìa ad Bernard Girard
- 1967 - Tempo di terrore (Welcome to Hard Times), regìa ad Burt Kennedy
- 1967 - La ragazza dalla calda pelle (Riot on Sunset Strip), regìa 'd Arthur Dreifuss
- 1967 - The Violent Ones, regìa ad Fernando Lamas
- 1967 - I mercenari di Macao (Kill a Dragon), regìa ad Michael D. Moore
- 1968 - La forza invisibile (The Power), regìa ad Byron Haskin
- 1968 - Berretti verdi (The Green Berets), regìa ad John Wayne e 'd Ray Kellogg
- 1968 - Commando suicida, regìa ad Camillo Bazzoni
- 1968 - A Torn Page of Glory, regìa ad Bobby Davis
- 1970 - L'angelo scatenato (Angel Unchained), regìa ad Lee Madden
- 1972 - La corsa della lepre attraverso i campi (La course du lièvre à travers les champs), regìa ad René Clément
- 1973 - Tom, regìa ad Greydon Clark
- 1974 - Dynamite Brothers, regìa 'd Al Adamson
- 1974 - Troppo nude per vivere (The Centerfold Girls), regìa ad John Peyser
- 1974 - Gone with the West, regìa ad Bernard Girard
- 1974 - Seven Alone, regìa 'd Earl Bellamy
- 1975 - Paesano: A Voice in the Night, regìa ad John Myhers, Martin Ragaway, Jack Brooks e Alberto Sarno
- 1975 - La ragazza del computer (Promise Him Anything), regìa 'd Edward Parone - Film TV
- 1975 - The Man Who Wouldn't Die, regìa ad Robert Arkless
- 1975 - Operazione Siegfried (Inside Out), regìa ad Peter Duffell
- 1975 - Psychic Killer, regìa ad Ray Danton
- 1976 - Won Ton Ton il cane che salvò Hollywood (Won Ton Ton: The Dog Who Saved Hollywood), regìa ad Michael Winner
- 1976 - Haunts, spettri del passato (Haunts), regìa 'd Herb Freed
- 1976 - The Father Kino Story, regìa ad Ken Kennedy
- 1977 - Haunted, regìa 'd Alessandro De Gaetano
- 1978 - Gli amici del drago (Death Dimension), regìa 'd Al Adamson
- 1978 - The Lucifer Complex, regìa 'd Kenneth Hartford e 'd David L. Hewitt
- 1979 - La collina dei morti viventi (Don't Go Near the Park), regìa ad Lawrence David Foldes
- 1979 - Sweet Savage - Dolce selvaggia (Sweet Savage), regìa dl'Ann Perry
- 1979 - Bog, regìa ad Don Keeslar
- 1979 - Il guanto che uccide (The Glove), regìa ad Ross Hagen
- 1979 - Human Experiments, regìa ad Gregory Goodell
- 1980 - Tuono rosso (The Great Skycopter Rescue), regìa ad Lawrence David Foldes
- 1980 - Vera
- 1982 - When I Am King, regìa dla Wanda Appleton
- 1982 - Mongrel, regìa dla Robert A. Burns
- 1982 - Boxoffice, regìa ad Josef Bogdanovich
- 1982 - Smokey and the Judge, regìa ad Dan Seeger
- 1982 - Dark Sanity, regìa ad Martin Green
- 1984 - The Executioner, Part II, regìa ad James Bryan
- 1984 - Vultures, regìa ad Paul Leder
- 1984 - Frankenstein's Great Aunt Tillie, regìa ad Myron J. Gold
- 1984 - To Kill a Stranger, regìa ad Juan López Moctezuma
- 1985 - Flesh and Bullets, regìa ad Carlos Tobalina
- 1985 - Biohazard, regìa ad Fred Olen Ray
- 1985 - Evils of the Night, regìa ad Mardi Rustam
- 1986 - Prison Ship, regìa ad Fred Olen Ray
- 1987 - Hollywood Cop, regìa 'd Amir Shervan
- 1987 - Il siciliano (The Sicilian), regìa ad Michael Cimino
- 1987 - Terror on Alcatraz, regìa ad Philip Marcus e 'd Marvin G. Lipschultz
- 1987 - Hateman, regìa 'd Harry Hope
- 1988 - Drug Runners, regìa 'd Allan Kuskowski
- 1989 - Legami di sangue (Blood Red), regìa ad Peter Masterson
- 1989 - Ombre nella notte (Night Shadow), regìa ad Randolph Cohlan
- 1989 - Terror Night, regìa ad Nick Marino e 'd André De Toth
- 1989 - Young Rebels, regìa 'd Amir Shervan
- 1989 - Crime of Crimes, regìa 'd Alfredo Zacarías
- 1989 - Scuola militare (The Shooters), regìa ad Peter Yuval
- 1991 - Shock 'Em Dead, regìa ad Mark Freed
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Aldo Ray
