Al compâgno Don Camél (rumânz)

Da Wikipedia.

C'l artìcul chè 'l è scrit in Arzân Emiliàn

Al compâgno Don Camél (Il compagno Don Camillo in italiân), l'é un rumânz dal scritōr italiân Giovannino Guareschi, gnû fōra int al 1959 a puntêdi insém a Candido, dal 1963 editê da la Rizzoli.

Stôria

Al rumânz al cûnta i fât dal pâroch don Camél e dal séndech comunésta Pepòun. Dvintê senatōr, Pepòun l'urganéşa 'na gîta prèmi in Rósia per inscrét meritèvol dal partî, in dóv' ânca don Camél, cun un ricât, l' utîn 'd èsregh cun al nòm fêls ed Camillo Tarocci, un tipôgraf ed la Bâsa Padâna.

I dû a sràn tirê dèinter in avintûri sèinsa tèsta, in dó la pêrt cômica la se şvilópa cun al gnîr fōra, pôch a la vôlta, dal prēt Don Camél sòta la mâscra dal compâgno Tarocci.

A trât al rumânz as fà comovèint sia int al cuntêr al compâgno che in realtê l'ēra andê in Rósia per serchêr la tòmba dal fradèl alpèin môrt in guèra e al câta sōl di câmp ed furmèint grandiōş e un êlber cun incîş cun al curtlèin "Italia" e 'na dâta, sia la permanèinsa ed la fèid sibèin al regém miscredèint soviètich.

Dimòndi bèla la nōva stôria 'd amōr ch' la nâs, int al tèimp ed la permanèinsa in Rósia, tr' al bèl bólo trasteverèin, Nanni Scamoggia, e la compâgna Nadia Petrovna, intêrpret dêda dal Partî al gróp ed compâgni italiân.

A la fîn ed l'avintûra don Cmél al cuntarà pó tót al só vèc vèschev

Vōş coleghêdi

Al compâgno Don Camél (félm)


Nôta: cla pâgina ché l'é stêda fâta cun la tradusiòun ed Il compagno Don Camillo (romanzo) trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.