Agostina Belli

C'l artìcul chè 'l è scrit in Miranduléś

LʼAgostina Maria Magnoni, cgnusùda méj cuma Agostina Belli (Milàṅ, 13 'd Avrìl dal 1949, a s lèś [aɡoˈstiːna ˈbɛlli] in itagliàṅ), l'è n'atōra itagliàna, icóna sexy di an Stanta in dua la s è cavàda śò anc par la rivìsta Playboy.

Biugrafìa

Carsùda in dal quartēr milanéś dal Giabelìn, da śōvna l'à laurâ cuma segretària. In dal 1970 la pèrd sò màdar Adele Margherita Dossena, ch'la gh'iva na pensiòṅ sua darènt a la stasiòṅ di trêṅ a Milàṅ, mòrta masàda, un delìt incóra sénsa culpévul. In chi an lè la gh l'iva cavàda a tacàr na caréra da atōra a Róma, tulénd part a Banditi a Milano (1968) ad Carlo Lizzani, cun Gian Maria Volonté e Tomas Milian, e a la cumèdia Il terribile ispettore (1969) a fiànc ad Paolo Villaggio.

A 'l inìsi di an Stanta la gira soquànti pelìculi cuma Angeli senza paradiso (1970), cun prutagunìsta la còpia Al Bano e Romina Power, al film ad scarésa Il castello dalle porte di fuoco (1970), Giornata nera per l'ariete (1971), śal cun Franco Nero, e Barbablù (1972), film ad scarésa cun Richard Burton e la Raquel Welch. In dal 1972 l'à fat la mujēr ad Giancarlo Giannini in Mimì metallurgico ferito nell'onore dla Lina Wertmüller e pò na sōra in dla cumèdia eròtica Nonostante le apparenze... e purché la nazione non lo sappia... All'onorevole piacciono le donne ad Lucio Fulci.

Su 'l set dal film dramàtic Sepolta viva (1973) 'd Aldo Lado la cgnós 'l atōr nurvegéś Fred Robsahm, cugnâ 'd Ugo Tognazzi, ch'al dvintarà sò marè, méntar 'l an dòp la fà la part dla Sara in Profumo di donna ad Dino Risi, al rōl più famóś dla sò caréra. In séguit la dvènta na prutagunìsta dal filòṅ dla cumèdia sexy a l'itagliàna, ch'l'andàva fòrt in chi an lè, tulénd part a pelìculi cuma Il piatto piange (1974), Virilità (1974) ad Paolo Cavara ambintâ in Sicìglia, Due cuori, una cappella (1975), in còpia cun Renato Pozzetto, e Conviene far bene l'amore (1975), insém a Gigi Proietti, l'Eleonora Giorgi e Christian De Sica. Sèmp'r in c'l an lè la vîṅ ciamàda in Frància par recitàr in Giochi di fuoco a fiànc ad Jean-Louis Trintignant e 'd Philippe Noiret.

In dal 1976 in dla cumèdia Telefoni bianchi la fà la part dna camaréra vèneta ch'la sógna 'd dvintàr n'atōra a i tèmp dal fasìśum dal cìnema di telèfun biànc, pasànd da 'n lèt a c'l àtar. Par cal rōl chè la vins la Targa 'd Òr a i Dàvid ad Dunatèl. 'L è 'l perìud più impurtànt dla sò caréra e la Belli la gh'à l'ucaśiòṅ ad tōr part a soquànti prudusiòṅ internasiunàli cuma Il genio (1976) cun Yves Montand, Holocaust 2000 cun Kirk Douglas, Doppio delitto (1977) cun Marcello Mastroianni e Peter Ustinov, e Un taxi color malva cun Fred Astaire e la Charlotte Rampling.

In di an Utànta a l'ém vista in dal drama militàr Soldati - 365 all'alba, cun prutagunìsta Claudio Amendola e Massimo Dapporto, e in dal film ad fantasiénsa Fratello dello spazio cun Martin Balsam.

Filmugrafìa

1968 - Banditi a Milano, regìa ad Carlo Lizzani
1969 - Il terribile ispettore, regìa ad Mario Amendola
1970 - Angeli senza paradiso, regìa 'd Ettore Maria Fizzarotti
1970 - Il caso "Venere privata", regìa 'd Yves Boisset
1970 - Formula 1 - Nell'inferno del Grand Prix, regìa ad Guido Malatesta
1970 - Il castello dalle porte di fuoco, regìa ad José Luis Moreno
1971 - Ma che musica maestro!, regìa ad Mariano Laurenti
1972 - Nonostante le apparenze... e purché la nazione non lo sappia... All'onorevole piacciono le donne regìa ad Lucio Fulci
1972 - Barbablù, regìa 'd Edward Dmytryk e 'd Luciano Sacripanti
1972 - Giornata nera per l'ariete, regìa ad Luigi Bazzoni
1972 - La notte dei diavoli, regìa ad Giorgio Ferroni
1972 - Mimì metallurgico ferito nell'onore, regìa dla Lina Wertmüller
1972 - La calandria, regìa ad Pasquale Festa Campanile
1973 - Revolver, regìa ad Sergio Sollima
1973 - L'ultima neve di primavera, regìa ad Raimondo Del Balzo
1973 - Sepolta viva, regìa 'd Aldo Lado
1973 - Baciamo le mani, regìa ad Vittorio Schiraldi
1974 - Quando l'amore è sensualità, regìa ad Vittorio De Sisti
1974 - Profumo di donna, regìa ad Dino Risi
1974 - Il lumacone, regìa ad Paolo Cavara
1974 - Il piatto piange, regìa ad Paolo Nuzzi
1974 - Il figlio della sepolta viva, regìa ad Luciano Ercoli
1974 - Virilità, regìa ad Paolo Cavara
1974 - La governante, regìa ad Giovanni Grimaldi
1975 - Conviene far bene l'amore, regìa ad Pasquale Festa Campanile
1975 - Due cuori, una cappella, regìa ad Maurizio Lucidi
1975 - Giochi di fuoco (Le jeu avec le feu), regìa 'd Alain Robbe-Grillet
1976 - Telefoni bianchi, regìa ad Dino Risi
1976 - Il genio (Le grand escogriffe), regìa ad Claude Pinoteau
1977 - Cara sposa, regìa ad Pasquale Festa Campanile
1977 - Holocaust 2000, regìa 'd Alberto De Martino
1977 - Un taxi color malva, regìa 'd Yves Boisset
1977 - Doppio delitto, regìa ad Steno
1978 - Manaos, regìa 'd Alberto Vasquez Figueroa
1978 - Enfantasme, regìa ad Sergio Gobbi
1982 - Vai avanti tu che mi vien da ridere, regìa ad Giorgio Capitani
1982 - La guerrigliera, regìa ad Pierre Kast
1983 - Torna, regìa ad Stelvio Massi
1984 - Una strana passione (Un amour interdit), regìa ad Jean-Pierre Dougnac
1986 - Una donna da scoprire, regìa ad Riccardo Sesani
1987 - Soldati - 365 all'alba, regìa ad Marco Risi
1988 - Fratello dello spazio, regìa ad Mario Gariazzo
1989 - Happy End, regìa ad Milos Radovic
1992 - L'urlo della verità, regìa ad Stelvio Massi
1996 - Favola, regìa ad Fabrizio De Angelis – Film TV
2006 - Uno su due, regìa 'd Eugenio Cappuccio
2006 - I giorni perduti, regìa ad Bruno Gaburro
2007 - Natural born star, regìa 'd Even Benestad – Ducumentàri
2008 - Amore che vieni, amore che vai, regìa ad Daniele Costantini

Culegamènt estéran

Nòti

Wikiquote contiene citazioni di o su Agostina Belli
Wikimedia Commons contiene file multimediali su Agostina Belli