After Sex - Dopo il sesso

Da Wikipedia.

C'l artìcul chè 'l è scrit in Miranduléś Emiliàn

After Sex
After Sex - Dopo il sesso

Cantillo e la Manning in na figùra dal film
After Sex - Dòp al sès
2007
Regìa: Eric Amadio
Scritōr: Eric Amadio
Atōr: John WitherspoonJose Pablo Cantillo
Marc BlucasTaryn ManningKeir O'Donnell
Emmanuelle ChriquiMila KunisDave Franco
James DeBelloKeir O'DonnellNoel Fisher
Müsica: Stephen Light
Léngua: Ingléś
Dürä dal film: 77 minüt
Nasiōṅ: Stat UnîSpagnōl


«
Na cumèdia ambintàda sóta i linsōi.»
(Tagline dal film)


After Sex - Dopo il sesso (After Sex - Dòp al sès) l'è na cumèdia americàna dal 2007 scrita e dirèta par Eric Amadio, regìsta chè a 'l sò debùt. L'è divìśa in òt capìtui batśâ c'n i nóm di amànt prutagunìsta di sìngui epiśòdi,

Sunt

  1. Christopher (Marc Blucas) e la Leslie (Charity Shea) i èṅ dū ciùla-amìg. Dòp na gusàda i tàc'n a quistiunàr-as ma pò i finìsan par dir-as ch'i s vōlan bèṅ;
  2. Freddy (Tanc Sade) e Jay (Noel Fisher) i èṅ dū amìg ch'i finìs'n a lèt insém. Jay al diś che lò al n è minga gay e Freddy al gh fà 'n predicòs parchè al n dascór minga sćèt;
  3. Sam (Dave Franco) e la Kristy (Natalie Marston) i èṅ dū studènt ch'i gùs'n insém par la prima vòlta. Freddy al gh cònta che quànd una in clas sèg la gh'à fat al sò prim buchèṅ, lò 'l è vgnû subìt gumitànd anc, ch'i al sànan tut a scōla. Tut 'd un trat a vîṅ dènt'r in cambra la màdar dla ragàsa, la Janet (Jane Seymour);
  4. La Nikki (Mila Kunis) e la Kat (Zoe Saldana) i èṅ dū ragàsi ch'i spartìsan na cambra insém in dal culéǵ in du i stùdian. Quànd la Kat la la pòrta a lèt, lcand-ag la pasra, la Nikki la gh tîṅ a dir-ag ch'a gh'è piaśû mo però lē la gh'à da mèt'r-ag na préda insìma parchè l'è etero e i gh piàś'n i masć. In tut al manéri la vōl savēr ad cuśa sà-la la sò figa;
  5. La Trudy (Jeanette O'Connor) e Gene (John Witherspoon) i arcòrd'n insém ad quànd i aṅ tacâ a far sès insém in di an Stanta, tulénd part a òrgi e a purcàdi dal gènar ch'i sò fiōi i n èṅ briśa bòṅ ad cumpréndar;
  6. Neil (Timm Sharp) 'l è 'l cantànt dna banda hair metal méntar Bob (James DeBello) 'l è 'l insgnànt dna squàdra 'd futból americàṅ. I dū i èṅ anc amànt ma i n s métan minga 'd acòrd su chi al gh'à da far la part dla “gata” esénd che tut dū i s sèntan di “macho”, anc se Bob al diś ch'a n è minga impurtànt esénd ch'i s càtan bèṅ insém;
  7. David (Keir O'Donnell) e la Jordy (Emmanuelle Chriqui) i faṅ sès in un mutèl ad quàtar sòld. La Jordy, ch'la n scumpatìs minga che lò 'l sia 'n squàsa-marléti, la gh diś ch'al gh 'l à pìcul;
  8. Marco (Jose Pablo Cantillo), atōr spagnōl ad Madrìd, al fà sès cun l’Alanna (Taryn Manning) che, par far-'g un schèrs, la gh diś ch'ad mistēr la fà la escort e che da ragasōla la fava sès cun sò cuśèṅ.

Culegamènt estéran