Vai al contenuto

Adriana Russo

Da Wikipedia.

C'l artìcul chè 'l è scrit in Miranduléś Emiliàn

La Russo in na figùra dal film Ric, ric sfundâ... praticamènt in mudàndi


«
Io, gelosa più che mai, depressa quanto sai, la tenerezza nelle tue mani grandi, se chiamo e non ci sei, a casa non ci stai, mi viene un nodo in gola che mi dice male.»
(IT)(Capriccio, 1981)
«
Mè, gelóśa sèmp'r ad piò, deprèsa at sà quànt, al téndar dal tò maṅ grandi, s'a ciàm e ta n gh sē minga, a cà ta n gh sē briśa, a m vîṅ un gróp in dla góla ch'al m diś mâł.»
(MUD)


LʼAdriana Russo (Róma, 4 ad Favràr dal 1954) l'è n'atōra, persunàǵ televiśìṿ e cantànta itagliàna.

La gh'à abû na relasiòṅ c'n al preśentadōr sicigliàṅ Pippo Baudo.

Biugrafìa

[mudéfica la surzéia]

Fiōla dal pitōr napulitàṅ Mario Russo, lʼAdriana la s è fata nutàr a 'l cìnema fiṅ da subìt in dal 1976 girànd Un sussurro nel buio ad Marcello Aliprandi e Brutti, sporchi e cattivi 'd Ettore Scola.

'L an dòp 'l è impgnàda a teàt'r insém a Vittorio Gassman in dal spetàcul Gassman all'asta. In séguit la cuntinuarà a recitàr purtànd su 'l palc di tèst ad Plauto e Terenzio.

In dal 1979 la gira par Steno La patata bollente faghénd n'amìga dl'Edwige Fenech.

In televiśiòṅ la cata 'l sucès in dal 1978 tulénd part a la prima edisiòṅ dal prugràma da rìdar La sberla insém a Gianfranco D'Angelo, Enrico Beruschi e Gianni Magni. In di an Utànta 'l à fat vgnir fóra dū disc: Capriccio (1981), scrit par lē da Cristiano Malgioglio e da la Norina Piras, e Up And Down (1985). In chi an lè la gira soquànt cumèdi a 'l cìnema cuma Qua la mano (1980), insém a Enrico Montesano e a Adriano Celentano, e L'esercito più pazzo del mondo cun Massimo Boldi e Andy Luotto.

In dal 1982 la gira sèt film. In Ricchi, ricchissimi... praticamente in mutande ad Sergio Martino la finìs cun sò marè Pippo Franco e i sò dū baghét in na spiàgia dla Rumàgna in dua Vito Cicchetti (scutmàj: baciòc) al ciàpa 'l Sōl nûd insém a dal śuvnòti furastéri. In Porca Vacca ad Pasquale Festa Campanile la lavóra insém a Renato Pozzetto e a la Laura Antonelli faghénd na balarìna mént'r in Cicciabomba 'd Umberto Lenzi la fà da spala a la Donatella Rettore.

Dòp la cumèdia Occhio, malocchio, prezzemolo e finocchio, pelìcula cun Lino Banfi e la Gegia, la taca a far di film anc ad gènar difarènt cuma 'l pulisiésc Pizza Connection insém a Michele Placido, 'l eròtic Delizia insém a la Tinì Cansino e Non aver paura della zia Marta, film ad scarésa dal 1988 ad Mario Bianchi.

In di an Nuànta e Dumìla la lavóra da piò in televiśiòṅ tulénd part a dal fiction cuma Mamma per caso, Anni '60, Il bello delle donne e Il peccato e la vergogna.

Filmugrafìa

[mudéfica la surzéia]

Discugrafìa

[mudéfica la surzéia]

Sìngui

[mudéfica la surzéia]
  • 1981 - Capriccio/Io, la pantera
  • 1985 - Up And Down/Chatta-Nooga Choo-Choo

Culegamènt estéran

[mudéfica la surzéia]
Estratto da "https://eml.wikipedia.org/w/index.php?title=Adriana_Russo&oldid=160240"