Addio mia concubina

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Ba wang bie ji
Addio mia concubina
Addio mia concubina.png
Leslie Cheung in na figùra dal film
Adìo la mè cuncubìna
1993
Regia: Kaige Chen
Scritùr: Pik Wah Lee • Wei Lu
Atùr: Leslie CheungZhang FengyiGong Li
Lu QiYing DaChun LiDavid WuDan Li
Müsica: Zhao Jiping
Lengua: Cinéś
Dürä dal film: 170 minüt
Nasiòṅ: CinaHong Kong


«
La stòria 'd pasiòṅ fra dū amìg par tuta la vita e dla dóna ch'la gh s mét in mèś.»
(Tagline dal film)


Addio mia concubina (Adìo la mè cuncubìna) 'l è 'n film dramàtic dal 1993 ad Kaige Chen trat da 'l rumànś umònim ad Pik Wah Lee scrit c'n al nóm dla Lilian Lee.

La pelìcula 'l à vins la Palma 'd Òr a 'l 46śum Fèstival ad Cannes e 'l è stâ candidâ a i Prèmi Òscar p'r i film furastēr.

Sunt

In dal Cina dal 1924 al pìcul Douzi (Mingwei Ma) al vîṅ purtâ da sò màdar (Jiang Wenli), putàna 'd mistēr, a la scōla 'd recitasiòṅ dl'Òpra 'd Pechîṅ dirèta p'r al mìstar Guan Jifa (Lu Qi). Chè al baghét al dvènta amìg ad Laizi (Yongchao Yang) e 'd Shitou (Yang Fei) ma la vita par lò l'è dimóndi dura parchè 'l alenamènt 'l è pēś dimóndi e pò lò al gh'à da far sōl di rōi da fémna. Inóltar 'l è anc viulentâ da 'n vèć.

C'n al pasàr dal tèmp, dvintâ grand, Shitou (Fengyi Zhang), c'n al nóm 'd art ad Duan Xiaolou, e Douzi (Leslie Cheung), c'n al nóm 'd art ad Cheng Dieyi, i tàc'n a recitàr l'òpra “Adìo la mè cuncubìna” in dua Xiaolou al fà 'l rè Xiang Yu ch'al véd al sò eśèrcit scunfìt da qvél nemìg e la sò cuncubìna, la Yu Ji interpretâ par Dieyi, ch'la gh tōś la spada par masàr-as davànti a lò.

Dieyi 'l è inamurâ dabòṅ ad Xiaolou ma chi lò al fà finta 'd gnint e 'l spóśa na scaja ciamàda Juxian (Gong Li).

Culegamènt estéran