Adam Baldwin

C'l artìcul chè 'l è scrit in Miranduléś

Adam Baldwin (Chicago, 27 ad Favràr dal 1962) 'l è 'n atōr americàṅ.

Élt 1,93 métar, Adam 'l è spuśâ cun tri fiōi cun l'atōra Ami Julius. Da sèmpar sustenidōr dal partî demucràtic, in di ùlt'm an 'l è pasâ a ès'r un cunservadōr libertàri. Al n è minga parènt dla famìja di atōr di Baldwin.

Biugrafìa

Nâ in Illinòis da na famìja cun di urìgini irlandéśi, Adam dòp i sò studi a la New Trier High School al taca a lauràr faghénd al camiunìsta.

In dal 1980 al fà al sò debùt a 'l cìnema tulénd part a La mia guardia del corpo, pò in di an Utànta al gira di àtar film cuma Amare con rabbia ad James Foley (1984) e Full Metal Jacket ad Stanley Kubrick in dua 'l fà la part 'd Animal. In séguit al tōś part a soquànt thriller e film ad scarésa cuma Le strade della paura 'd Eric Red, Vendetta trasversale ad John Irvin e Predator 2 ad Stephen Hopkins.

In dal 1991, insém a Robert De Niro, Tom Sizemore e a l'Annette Bening, al tōś part a 'l film dramàtic Indiziato di reato - Guilty by Suspicion in dua 'l fà la part d'n agìnt d'l FBI. Al regìsta Roland Emmerich 'l al sarnìs dū vòlti p'r al sò pelìculi Independence Day (1996) e Il patriota (2000).

In dla sò caréra, specialmènt da la fiṅ di an Nuànta in avànti, Adam 'l à anc da spés recitâ in telefìlm cuma The Cape, X-Files, CSI: Miami, JAG - Avvocati in divisa, Angel, NCIS - Unità anticrimine, The Inside, Chuck e Law & Order - Unità vittime speciali.

Filmugrafìa

1980 - La mia guardia del corpo (My Bodyguard), regìa ad Tony Bill
1980 - Gente comune (Ordinary People), regìa ad Robert Redford
1983 - D.C. Cab, regìa ad Joel Schumacher
1984 - Amare con rabbia (Reckless), regìa ad James Foley
1985 - Guerra dei colori (Poison Ivy), regia Larry Elikann
1987 - Full Metal Jacket, regìa ad Stanley Kubrick
1988 - Le strade della paura (Cohen and Tate), regìa 'd Eric Red
1989 - Vendetta trasversale (Next of Kin), regìa ad John Irvin
1990 - Predator 2, regìa ad Stephen Hopkins
1991 - Indiziato di reato (Guilty by Suspicion), regìa 'd Irwin Winkler
1992 - Il grande volo (Radio Flyer), regìa ad Richard Donner
1993 - Pericolosamente (Treacherous), regìa ad Kevin Brodie
1994 - Wyatt Earp, regìa ad Lawrence Kasdan
1995 - Gli anni dei ricordi (How to Make an American Quilt), regìa ad Jocelyn Moorhouse
1996 - Independence Day, regìa ad Roland Emmerich
2000 - Il patriota (The Patriot), regìa ad Roland Emmerich
2002 - The Keyman, regìa ad Daniel Millican
2003 - Gacy, regìa ad Clive Saunders
2004 - Evil Eyes, regìa ad Mark Atkins
2005 - Serenity, regìa ad Joss Whedon
2008 - Drillbit Taylor - Bodyguard in saldo (Drillbit Taylor), regìa ad Steven Brill
2009 - Little Fish, Strange Pond, regìa ad Gregory Dark
2019 - The Kid, regìa ad Vincent D'Onofrio
2021 - Non mollare mai (American Underdog), regìa 'd Andrew e Jon Erwin

Culegamènt estéran

(EN) Filmugrafìa su IMDb

Àtar prugèt

Wikiquote contiene citazioni di o su Adam Baldwin
Wikimedia Commons contiene file multimediali su Adam Baldwin