A volte ritornano ancora
|
C'l artìcul chè 'l è scrit in
Miranduléś |
 Sometimes They Come Back... Again
| ||
| A volte ritornano... ancora | ||
 Gabriel Dell Jr. e Alexis Arquette in na figùra dal film | ||
| Dal vòlti i tórn'n indrē incóra 1996 | ||
|---|---|---|
| Regìa: Adam Grossman | ||
| Scritōr: Stephen King • Guy Riedel • Adam Grossman | ||
| Atōr: Michael Gross • Alexis Arquette • Hilary Swank Bojesse Christopher • Glen Beaudin • Michael Malota Jennifer Elise Cox • Jennifer Aspen • Leslie Danon | ||
| Müsica: Peter Manning Robinson | ||
| Léngua: Ingléś | ||
| Dürä dal film: 98 minüt | ||
| Nasiōṅ: Stat Unî | ||
A volte ritornano... ancora (Dal vòlti i tórn'n indrē incóra) 'l è 'n film ad scarésa par la televiśiòṅ dal 1996 'd Adam Grossman, trat da 'n racònt ad Stephen King.
Al film, girâ c'n un budget stimâ 'd tri migliòṅ ad dòlar, 'l è 'l séguit dla pelìcula A volte ritornano dal 1991. In dal 1999 a gh'è stâ pò 'n àtar séguit da 'l tìtul Stazione Erebus.
Sunt
Al psicòlug Jon Porter (Michael Gross), dòp la mòrt ad sò màdar, al tórna insém a sò fiōla Michelle (Hilary Swank) in dal paéś in du 'l éra nâ, Glenrock, p'r al funeràł. Lè i gh tórnan in mènt di brut arcòrd ad quànd 'l éra putèṅ, al masamènt a scurtlàdi 'd sò surèla Lisa (Leslie Danon) a òpra dal delinquènt Tony Reno (Alexis Arquette) e di sò amìg Vinnie (Bojesse Christopher) e Sean (Glen Beaudin). Jon però al gh l'iva pò cavàda a farmàr-i butànt un fił elètric in dla pùcia 'd aqua in du i s catàvan, cupànd-i tut tri.
La Michelle la s fà amìga c'n al giardinēr Steve Pagel (Gabriel Dell Jr.) e 'd dū ragàsi dal pòst, la Maria (Jennifer Aspen) e la Jules (Jennifer Elise Cox). A na fèsta la Michelle la cgnós un ragàs ch'al pâr pròpria Tony Reno.